PROVERBIOS 15:7 - Dios Rimashcata Quillcashcami

⁷ Yuyaisapa runacunapac rimashcaca alli yachaitami tarpun. Mana entendic runapac shunguca mana chashna ruhuanchu.

PROVERBIOS 15:7 Iomraidhean Croise

SALMOS 119:13

Can mandashpa rimashcataca ñuca shimihuanmi callarishpa huillarcani.

SALMOS 37:30

Cashcata ruhuac runaca alli yachashca rimaicunatami riman. Paipac calluca imapish cashcallatatacmi riman.

SALMOS 45:2

Tucui caricunamanta yalli sumacmi cangui. Cambac shimimantaca uyanalla shimicunami llucshin. Diosmi huiñaita chashna cachun bendiciarca.

PROVERBIOS 15:2

Yuyaisapacunapac rimashcaca alli yachaicunatami riman. Ashtahuanpish yuyai illac runaca manapish canatami rimarin.

PROVERBIOS 15:6

Cashcata ruhuac runapac huasipica imapish achcami tiyan. Ashtahuanpish Diosta mana manchac runa ima charishcaca paillatatacmi pandachin.

PROVERBIOS 15:8

Mandac Diosca paita mana manchaccuna animalta cushpa rupachishcataca millanayachinmi. Ashtahuanpish allita ruhuaccuna mañacpica cushicunmi.

PROVERBIOS 16:23

Yuyaisapa runapac shunguca allita yuyarishpami riman. Sumacta ashtahuan rimashcaca ashtahuanmi yachachin.

PROVERBIOS 5:2

Chaica ñuca alli yuyaita cushcata cazungapac, cambac shimihuanpish allita rimangapacmi chashna uyana cangui.

ECLESIASTÉS 10:2

Yuyaisapa runapac shunguca allillatami mashcan. Mana entendic runapac shunguca mana allillatami mashcan.

CANTARES 4:11

Ñuca cuyashca huarmilla, cambac shimimantaca bunga mishquimi llucshicun. Cambac callupica bunga mishquipish, lechepish tiyanmi. Cambac churanaca Libanomanta mishqui shinami ashnacun.

SAN MATEO 10:27

Cancunaman pacallapi nishcataca, achicpi huillanguichic. Ringrillapi huillashcataca, huasi jahua pataman huichicushpa huillanguichic.

SAN MATEO 12:34

Culebrapac huahuacuna, cancunallatac millai cashpaca, ¿ima shinatac allita rimaringuichic? Shungupi ima yuyaicuna tiyashcatami, shimica riman.

MARCOS 16:15

Shinallatac paicunataca: —Tucui pachata rishpa, alli huillaita tucui gentecunaman huillagrichic.

EFESIOS 4:29

Imapish mana alli rimaicunata ama rimashpa, ashtahuanpish yuyaita cuc rimaicunallatac rimaichic. Chashna rimacta uyashpami, shuccunapish yuyaita japingacuna.

2 TIMOTEO 2:2

Tauca gentecunapac ñaupapi ñuca ima yachachishcata uyashcataca, yachachinata pudic criccunaman, paicunapish shuccunaman yachachichun mingai.

SANTIAGO 3:6

Calluca shuc nina shinami millaita callarichichishpa runata mapayachin. Calluca ucu pacha nina rupacuc shinami, tucui causaipi mana allita ruhuachishpa rupachic shina llaquichicun.