PROVERBIOS 15:12 - Dios Rimashcata Quillcashcami

¹² Burlashpa asic runaca paita cunactaca piñanmi. Yachaisapacunahuanca mana tandarinchu.

PROVERBIOS 15:12 Iomraidhean Croise

2 CRÓNICAS 18:7

Shina nicpimi, Israel llactata jatun mandacca Josafattaca: —Mandac Dios ima nishcata huillac shuc runa tiyanracmi. Paica Imlapac churi Micaiasmi. Paica ima allitaca mana huillanchu, ashtahuanpish mana allillatami huillan. Chaimantami paitaca mana ricunayan— nirca. Shina nicpimi Josafatca: —Jatun mandaclla, ama chashna rimaichu— nirca.

JOB 21:14

Chashna causashpami Diostaca: “¡Ñucanchicpac ñaupamanta anchuri! Can imata ruhuachun nishcacunataca mana yachacushun ninchicchu.

PROVERBIOS 1:22

“Mana yachaccuna, ¿ima horascamantac chashna mana yachacushpa, causasha ninguichic? Burlaccuna ¿Ima horascamantac chashna burlashpa causasha ninguichic? Mana entendiccuna ¿ima horascamantac alli yachanata piñanguichic?

PROVERBIOS 13:1

Yachaisapa churica taita cunashcataca chasquinmi. Ashtahuanpish burlac churica cunashcata manatac uyanchu.

PROVERBIOS 14:6

Mana cazushpa asic runaca alli yachaita mashcashpapish mana tarinchu. Ashtahuanpish allita yachac runamanca yachacunaca jahuallami.

PROVERBIOS 15:10

Alli ñanta saquic runataca sinchitami rimana Alli tucuchun rimashcata mana uyacca huañungami.

AMÓS 5:10

Cancunaca llacta pungupi cunac runatapish, cashcata rimactapish mana ricusha nishpa millarcanguichicmi. ¡Aij imachari tucunguichic!

SAN JUAN 7:7

Cai pacha gentecunaca cancunataca mana piñanchu, ashtahuanpish paicuna mana allita ruhuashcata ñuca huillashcamantami, ñucataca piñancuna.

2 TIMOTEO 4:3

Cashcata nic huillashcata mana uyashun nina punzhacuna chayamungami. Gentecunaca paicuna munashca shinata yachachichunmi, shuctac shuctac yachachiccunata mashcanga.