PROVERBIOS 13:14 - Dios Rimashcata Quillcashcami

¹⁴ Yachaisapa yachachishcaca causaita cuc yacu shinami. Chai yachachishcacunaca huañuna tucllamanta quishpichinmi.

PROVERBIOS 13:14 Iomraidhean Croise

SALMOS 116:3

Huañui llaquicunami pilluc shina japirca. Seolman rina llaquicunami ñucataca japirca. Llaquihuanpish, nanaihuanpish carcanimi.

SALMOS 18:5

Seolman ringapac ña huatashca shinami carcani. Huañuchic tucllatami churarcacuna.

PROVERBIOS 10:11

Cashcata ruhuac runapac rimashcaca causaita cuc yacu shinami. Ashtahuanpish Diosta mana manchaccunapac rimashcaca macanacuipimi churan.

PROVERBIOS 14:27

Mandac Diosta manchanaca causaita cuc yacu llucshicuc shinami. Shinallatac huañuchic tucllamanta anchuchinmi.

PROVERBIOS 15:24

Alli yuyaita charicmanca causaiman apac ñanca jahuamanmi. Seolman apac ñanmantaca chashnami anchuringa.

PROVERBIOS 16:17

Allita ruhuashpa causaccunaca mana allimanta anchurinmi. Mana allita ruhuanamanta cuidariccunaca causaitami cuidancuna.

PROVERBIOS 16:22

Alli yuyaiyuc runapi tiyashca alli yuyaica causaita cuc yacu shinami. Ashtahuanpish yuyai illac runapi tiyashca yuyaica llaquichinmi.

PROVERBIOS 16:6

Juchayuctaca llaquishpa, mana llullashpami perdonanga. Runaca Mandac Diosta manchashpami, mana allimantaca anchurin.

PROVERBIOS 9:11

Ñucamantami can causana punzhacunapish ashtahuan miranga. Can causana huatacunapish yapachishcami canga.

1 SAMUEL 25:33

Cambac alli yuyaipish alli nishca cachun. Huañuchishpa yahuarta jichangapac rinamantapish, ñucata llaquichinamantapish canmi ñucata jarcashcangui. Chaimanta alli nishcami cangui.