PROVERBIOS 12:7 - Dios Rimashcata Quillcashcami

⁷ Diosta mana manchaccunaca Dios chingachicpimi, tucurincunalla. Ashtahuanpish cashcata ruhuaccunapac huasipica ima llaqui mana tiyanchu.

PROVERBIOS 12:7 Iomraidhean Croise

2 SAMUEL 7:16

Cambac huasi ucupurapish, can mandanapish jaicapi mana tucuringachu. Shinallatac can mandashpa tiyanaca huiñaitami caticungalla’ ninmi” ningui» nirca.

2 SAMUEL 7:26

Cambac shutica huiñaita alli nishca cachun. Shinallatac: “Israelcunapac Diosca tucuita Mandac Diosmi” nichuncuna. Canta servic ñuca huasi ucupuracunapish sinchi cachun.

ESTER 9:14

Shina nicpimi, jatun mandacca Susa jatun pueblopica chashna ruhuashca cachun nirca. Chaimantami chai chunga churicunataca huarcurcacuna.

JOB 11:20

Ashtahuanpish millaita ruhuaccunaca chingaringami. Paicunaca maipi mana miticui pudingachu. Paicuna imata shuyacushcapish, tucuri samai shinami canga» nirca.

JOB 34:25

Diosca tucui millaita ruhuashcata ricushpaca shuc tutallami tucuita llaquichinga.

SALMOS 37:10

Asha punzha quipaca millaita ruhuacca chingaringami. Pai tiyacushca pushtupi ricugrishpapish mana taringuichu.

PROVERBIOS 10:25

Huaira tamya shamushpa chingaric shinami, Diosta mana manchacca chingaringa. Ashtahuanpish cashcata ruhuac runaca maita mana cuyuchipac huiñaita causacunllami.

PROVERBIOS 11:21

Mana allita ruhuac runaca llaquichishcatacmi canga. Ashtahuanpish cashcata ruhuac runaca huahua huahuacamanmi quishpichishca canga.

PROVERBIOS 12:8

Runaca alli yachac cashcamantami alli nishca canga. Ashtahuanpish millai shungu runataca tucuimi mana ricunayachinga.

PROVERBIOS 14:1

Yachaisapa huarmica paipac huasita alli nishpami sinchiyachin. Ashtahuanpish yuyai illac huarmica paipac quiquin maquicunahuanmi urmachin.

PROVERBIOS 14:11

Diosta mana manchaccunapac huasica shitashcami canga. Ashtahuanpish allita ruhuaccunapac huasica sisacuc shinami ricuringa.

PROVERBIOS 15:25

Mandac Diosca jatun tucushcacunapac huasitaca urmachingami. Ashtahuanpish viuda huarmi charishca allpataca paillatacmi sinchita cuidanga.