PROVERBIOS 12:25 - Dios Rimashcata Quillcashcami

²⁵ Shungu yallita llaquihuan cashpaca ima yuyaitapish chingachinllami. Ashtahuanpish allita rimashcaca cushichinmi.

PROVERBIOS 12:25 Iomraidhean Croise

SALMOS 38:6

Ñucaca yallita llaquirishpami aruyashpa puricuni. Yana churanata churarishca shinami punzhanta puricuni.

SALMOS 42:11

Ñuca almalla, ¿ima nishpatac shaicushpa, ñuca ucupi llaquiricunguiyari? Diosta alabanaracmi cani. Chaimanta paita shuyailla. ¡Paica ñuca Diosmi ñuca quishpichicmi!

PROVERBIOS 12:18

Maijancunaca imata rimashpaca espadahuan chugrichic shinami rimancuna. Ashtahuanpish yachaisapa runapac rimaica jambi shinami.

PROVERBIOS 12:26

Cashcata ruhuac runaca alli ñantami pushan. Ashtahuanpish Diosta mana manchaccunapac ñanca pandachinllami.

PROVERBIOS 14:10

Causai llaquilla cashcataca shungullami yachan. Cushicui tiyacpipish, shuctaccunaca mana yachancunachu.

PROVERBIOS 15:13

Cushilla shungu runaca ñahuipish cushillami. Ashtahuanpish shungu llaquilla cacpica, yuyaipish llaquillami.

PROVERBIOS 15:15

Llaquilla caccunapacca tucui punzhacunami mana alli. Ashtahuanpish cushilla shungu runaca punzhantami cushicuita charin.

PROVERBIOS 15:23

Runaca sumacta rimashpa cutichishpami cushicun. ¡Alli rimaita parlachun munashca horasca mai sumacmi!

PROVERBIOS 15:30

Cushilla ñahuihuan ricucpica, shungupish cushicunmi. Alli huillaita huillaccunaca tullucunatapish sinchiyachinmi.

PROVERBIOS 16:24

Sumacta rimashcaca bunga mishqui shinami. Almatapish cushichic, cuerpopacpish jambic shinami.

PROVERBIOS 17:22

Cushilla shunguhuan causanaca cuerpopac jambimi. Ashtahuanpish llaquilla shungu causaica tullutami chaquichin.

PROVERBIOS 18:14

Runaca ungushca cashpapish causai pudinmi. Shina cashpapish ¿shungupi llaquilla cashpaca causai pudingachu?

PROVERBIOS 25:11

Manarac llaqui tiyacpi, alli yuyarishpa rimarishcaca curi manzanapi cullquita churashpa, sumacta ruhuashca shinami.

PROVERBIOS 27:9

Aceitepish, mishquilla ashnacucpish shungutami cushichin. Shuc ricsishca cunashcaca caishuc runapac shungutami cushichin.

ISAÍAS 50:4

Mandac Diosmi ñucataca shaicushca causaccunata samachichun yachachirca. Tucui tutamantami pai yachachishcata tucui shunguhuan uyachun ricchachin.

ZACARÍAS 1:13

Shina nicpimi, Mandac Diosca ñucahuan parlacuc angeltaca cushichic sumac rimaicunata rimarca.