PROVERBIOS 11:9 - Dios Rimashcata Quillcashcami

⁹ Mishqui shimi jayac shungu runaca pai rimashcahuanmi, shuctac runata llaquichin. Ashtahuanpish cashcata ruhuaccunaca allita yachac cashpami quishpirincuna.

PROVERBIOS 11:9 Iomraidhean Croise

1 REYES 22:6

Shina nicpimi, Israel llactata jatun mandacca Diosmanta huillac chuscu patsac runacunata tandachishpaca: —¿Galaad llacta Ramot pueblopi causaccunahuan macanacungapac rishachu, mana cashpaca saquishachu?— nirca. Shina nicpimi paicunaca: —Rilla, Mandac Diosca chai pueblopi causaccunataca jatun mandacpac maquipimi churanga— nirca.

JOB 34:30

Millaita ruhuac runa chai llactapi causaccunata ama pandachishpa mandachunmi, chashnaca ricucun.

JOB 8:13

Chashnallatacmi Diosta tucui mana cazuccunaca tucun. Shinallatacmi Diosta mana manchaccuna imata shuyacushcaca chingarin.

SALMOS 55:12

Ñucata piñac runa ñucata llaquichishca cacpica, llaquita apaimanllami carcani. Ñucata mana ricunayachic llaquichingapac jatarishca cacpica, miticuimanllami carcani.

PROVERBIOS 11:6

Allita ruhuaccunataca cashcata ruhuashcallatacmi quishpichinga. Ashtahuanpish juchata ruhuaccunaca chai juchallapitacmi japi tucushpa chingaringa.

PROVERBIOS 11:8

Cashcata ruhuac runataca jatun llaquimantapish quishpichingami. Ashtahuanpish Diosta mana manchac runataca yalli llaquimi tucuchinga.

PROVERBIOS 16:29

Millai runaca paipac ricsishcata umashpami, mana alli ñanta pushan.

SAN MATEO 7:15

Cancunapacman shamuc llulla huillaccunamanta cuidaringuichic. Paicunaca oveja carata churarishca, cutin ucu shungupica, atuc shina millaicunami.

MARCOS 13:14

Diosta mañana huasipi yallita millana tucuchic tiyacucta ricushpaca, Judea llactapi causaccunaca urcucunapi miticugrichun. (Maijanpish cai quillcashcata ricucca, alli entendinguichic).

HECHOS 20:30

Cancunapuramantapish maijanca: “Ñucata catichic” nishpami, llullashpa huillanga.

1 JUAN 2:21

Chashna cashcata nic huillashcata ña cancuna yachacpimi quillcani. Mana yachacpica, mana quillcaimanchu carcani. Cashcata nic huillashcapi ima llulla mana tiyashcataca, cancunallatacmi yachanguichic.

1 JUAN 2:27

Jesucristo cushca Diospac Espirituca cancunapimi causacun. Diospac Espiritullatacmi tucui imatapish yachachicun. Pai yachachishpaca, mana llullashpa chashnatac cashcatami huillan. Chaimanta pi yachachictaca mana mashcanachu canguichic. Diospac Espíritu yachachishca shina, Jesucristohuan shuclla causaichic.