PROVERBIOS 11:6 - Dios Rimashcata Quillcashcami

⁶ Allita ruhuaccunataca cashcata ruhuashcallatacmi quishpichinga. Ashtahuanpish juchata ruhuaccunaca chai juchallapitacmi japi tucushpa chingaringa.

PROVERBIOS 11:6 Iomraidhean Croise

GÉNESIS 30:33

Ñuca servishcamanta mashnata pagana cashcata caya mincha cungapac shamushpami, ñucataca cashcata ruhuac cashcata yachangui. Ñuca manada ovejapi yana, muru ovejacuna, mana shuyu chivocuna cacpica, ñucataca mana shuhuac cashcatami yuyangui— nirca.

GÉNESIS 31:37

Tucui ñuca imalla charishcacunapi mashcashpapish, ¿imatatac cambac cashcataca tarircangui? ¡Imata tarishpaca, cai cambac familiacunapac, ñuca familiacunapac ñaupapi churai! Paicunami ñucanchic imata ruhuacushcataca ricunga.

1 REYES 2:44

Cutinllatac jatun mandac, Simeita rimashpaca: «Ñuca taita Davidta piñashpa, tucui mana allita ruhuashpa can llaquichishcataca, allimi yachangui. Mandac Diosca chai llaquillatatacmi canmanpish tigrachigrin.

SALMOS 9:15

Shuctac llactapi causaccunaca paicunallatac ruhuashca jutcupimi urmarcacuna. Paicunallatac pacalla churashca tucllapimi paicunapac chaquicunaca churarirca.

PROVERBIOS 11:9

Mishqui shimi jayac shungu runaca pai rimashcahuanmi, shuctac runata llaquichin. Ashtahuanpish cashcata ruhuaccunaca allita yachac cashpami quishpirincuna.

PROVERBIOS 5:22

Diosta mana manchactaca pai mana allita ruhuashcacunallatacmi llaquichinga. Pai ruhuashca juchallatacmi tuclla shina japishpa urmachinga.

ECLESIASTÉS 10:8

Jutcuta ruhuacca chai jutcullapitacmi urmanga. Pircata urmachictaca culebrami caninga.

JUECES 20:41

Chaita ricushpami, israelcunaca Benjamín aillucunahuan macanacungapac cutirca. Chaimantami Benjamín aillucunaca paicunata llaqui japicushcata yachac chayashpa manchai callarirca.