PROVERBIOS 11:10 - Dios Rimashcata Quillcashcami

¹⁰ Pueblopi causaccunaca cashcata ruhuaccuna alli causacpimi cushicuncuna. Ashtahuanpish Diosta mana manchaccuna huañucpica, cushicushpami caparicuncuna.

PROVERBIOS 11:10 Iomraidhean Croise

2 REYES 11:20

Chai llactapi tucui causaccunaca yallitami cushicurca. Ataliata mandana huasi ladopi espadahuan huañuchicpimi, Jerusalén pueblopi causaccunaca sumacta causarcacuna.

2 CRÓNICAS 23:13

Chaiman chayashpaca, jatun mandac Diospac huasiman yaicunapi shayacuc pilar ladopi shayacucta, shinallatac jatun mandacpac ladopica macanacuccunapish, trompetapi tocaccunapish shayacuctami ricurca. Chai llactapi causac tucui gentecunapish yallita cushicushpami shuccunaca bocinapi tocarcacuna. Cantaccunapish tocanacunapi tocashpa Diosta alli nishpa shayacuctami ricurca. Chaita ricushpami Ataliaca pai churarishcata lliquishpaca: «¡Ñucataca huashallami llucchishcacuna!» nishpa caparirca.

2 CRÓNICAS 23:21

Ataliata espadahuan huañuchishca quipaca chai llactapi causac tucui gentecunami cushilla carca. Shinallatac chunlla sumac causaimi chai pueblopica tiyarca.

JOB 27:23

Maquita huactashpa cushicuc shinami huairaca llaquichinga. Silbashpa burlac shinami pai tiyacushcamanta apanga.

ÉXODO 15:21

Chashna cantashpami Mariaca: «¡Mandac Diosta cantaichic! ¡Paipac poderta ricuchishpami, carretacunapish, caballocunapi ric soldadocunatapish, cuchapi ucuyachirca!» nirca.

PROVERBIOS 11:11

Allita ruhuaccunata bendiciacpimi, puebloca alli nishca canga. Ashtahuanpish Diosta mana manchaccuna rimashcaca llaquichishpami tucuchin.

PROVERBIOS 28:12

Cashcata ruhuaccuna cushicucpica, yallita cushicuimi tiyan. Ashtahuanpish Diosta mana manchaccuna jataricpica, tucuimi miticuncuna.

PROVERBIOS 28:28

Diosta mana manchaccuna mandangapac ricpica, gentecunaca miticungami. Ashtahuanpish paicuna chingaricpica, cashcata ruhuaccunami alli nishca cancuna.

PROVERBIOS 29:2

Cashcata ruhuaccuna miracpica, tucuimi cushicuncuna. Ashtahuanpish Diosta mana manchaccuna mandacpica, gentecunaca llaquirishpami huacancuna.

JEREMÍAS 51:48

Jahua lado llactamantami Babilonia llactata llaquichingapac shamunga. Paicuna shamushpa, tucui tucuchicpica, jahua pachapish, cai pachapish, chaipi tiyaccunapish cushicushpami cantanga.

JUECES 5:31

Mandac Dioslla, tucui canta piñaccuna chashna chingarishpa tucurichun. Shinallatac cuyaccunaca inti llucshishpa tucuita achicyachic shina cachun” nishpami cantarca. Chaimanta quipamanca chuscu chunga huatatami israelcunaca cushilla causarca.