PROVERBIOS 10:9 - Dios Rimashcata Quillcashcami

⁹ Allita ruhuashpa causac runaca imata mana manchanchu. Ashtahuanpish mana allita ruhuashpa causacca jatun llaquimi tucunga.

PROVERBIOS 10:9 Iomraidhean Croise

GÉNESIS 17:1

Abram iscun chunga iscun huatayuc cacpimi, Dios ricurishpaca: —Ñucami tucui imatapish ruhuaclla Diosca cani. Imatapish allita ruhuashpa, ñuca ñaupapi purilla.

JOB 8:20

Diosca ima millaita mana ruhuactaca, mana saquinchu. Mana allita ruhuaccunataca mana ayudanchu.

SALMOS 23:4

Canca ñucahuanmi cangui. Chaimanta huañunalla amsa huaicuta ricushpapish imata mana manchashachu. Cambac taunahuan, cambac varahuan cuidashpami ñucaman fuerzata cungui.

SALMOS 25:21

Canllatami shuyacuni. Chaimantami ima pandata mana ruhuani. Allita ruhuana yuyai ñucata huacaichichun.

SALMOS 84:11

Mandac Diosca ñucanchicta achicyachic inti, ñucanchicta jarcac escudomi. Mandac Diosca mana pandarishpa causaccunataca cuyashpami allipi churan.

PROVERBIOS 17:20

Mana alli shungu runaca manatac alli causaita charingachu. Llullata rimac runapish jatun llaquipimi urmanga.

PROVERBIOS 26:26

Pai piñarishcata shimihuan pacacushpapish, pai mana allita ruhuashcaca tandanacuipimi ricuringa.

PROVERBIOS 28:1

Diosta mana manchac runaca pipish mana caticucpimi miticushpa callpan. Ashtahuanpish cashcata ruhuac runaca león shinami imatapish mana manchan.

PROVERBIOS 28:18

Allita ruhuashpa causac runaca ima llaquimantapish quishpiringami. Ashtahuanpish mana allita ruhuashpa causac runaca llaquipimi urmanga.

PROVERBIOS 3:23

Shina cacpimi ñancunataca mana manchashpa puringui. Shinallatac cambac chaquipish mana mitcaringachu.

SAN MATEO 10:26

Ima pacalla ruhuashcapish ricuringami, Imata pacalla ruhuashcapish yacharingami. Chaimanta gentecunata ama manchanguichicchu.

1 CORINTIOS 4:5

Shina cacpica manarac juchanchina punzha chayamucpi, ama juchanchichicchu. Apunchic Jesús cutimunata shuyaichic. Paimi amsapi pacashcacunatapish, shungu imata yuyashcatapish achicpi shina ricuchinga. Shina ruhuacpimi, Diosca cada quiquin imata ruhuashcata ricushpa alli ninga.

1 TIMOTEO 5:25

Chashnallatacmi imapish allita ruhuashcacunaca tigrai ricurin. Mana tigrai ricurishpapish, quipatami ricuringa. Pacallaca mana saquiringachu.