PROVERBIOS 10:3 - Dios Rimashcata Quillcashcami

³ Mandac Diosca cashcata ruhuactaca mana yarcaipi saquinchu. Ashtahuanpish Diosta mana manchaccunataca paicuna munashcahuan mana sacsachun saquinchu.

PROVERBIOS 10:3 Iomraidhean Croise

JOB 15:23

Paica yangami puricun. Paipac aichataca ullachucunami micunga. Manchana amsaman rina punzha pungupi cashcatapish yachanmi.

JOB 20:28

Paipac huasipi tiyaccunataca Dios yallita piñarishca punzhami tucuita tucuchinga.

JOB 5:20

Yarcaihuan huañugricucpipish quishpichingami. Jatun macanacuipi espadahuan huañunamantapish quishpichingami.

SALMOS 10:14

Pai yallita llaquichicuctaca canllatacmi ricucungui. Paicuna imata ruhuashca shinallatacmi llaquichingui. Imata mana ruhuai pudiccunaca cambac maquimanmi cuchuyan. Canca taita mama illaccunata ayudacmi cangui.

SALMOS 112:10

Diosta mana manchac runa chaita ricushpaca yallitami piñaringa. Paipac shungupi nanarishpami quirucuna caniringa. Diosta mana manchaccunapac yuyaica chingaringami.

SALMOS 33:19

Huañuimanta almata quishpichishpa, yarcai punzhacunapi micunata cushpa causaita cungapacmi chashnaca ricucun.

SALMOS 37:19

Mana alli punzhacunapica mana pingaichishcachu canga. Yarcai punzhacunapipish mana nictami micungacuna.

SALMOS 37:25

Ñucaca huambrami carcani. Cunanca ñami yuyacyashcani. Cashcata ruhuac runa shitashca causacuctaca mana ricushcanichu. Paipac churicuna micunata mañashpa puricuctapish mana ricushcanichu.

SALMOS 37:3

Mandac Diospi shunguta churashpa allita ruhuailla. Cambac llactapi allita ruhuashpa causailla.

PROVERBIOS 13:25

Cashcata ruhuac runaca huicsa pactatami micun. Ashtahuanpish Diosta mana manchaccunaca chushac huicsami puringacuna.

PROVERBIOS 14:32

Diosta mana manchacca pai millaita ruhuashcamantami chingaringa. Ashtahuanpish cashcata ruhuacca huañugricushpapish cuidashcami canga.

PROVERBIOS 28:25

Chayucyanallata munac runaca piñanacuillapimi churan. Ashtahuanpish Mandac Diosta yuyarishpa causac runaca imapipish allimi causanga.

PROVERBIOS 28:9

Maijanpish mandashcata mana uyasha nishpa caruyactaca pai mañashcatapish Mandac Diosca mana uyanayachinchu.

ISAÍAS 33:16

mana manchashpa causanga. Paita jarcac rumica jatun torrecunami canga. Paimanca micunapish, yacupish mana illangachu.

SOFONÍAS 1:18

Mandac Dios piñarishpa llaquichi punzhapica paicunapac cullquipish, curipish mana quishpichingachu. Tucui cai pachataca nina japiric shinami tucuchinga. Cai pachapi causaccunataca cungaillami tucuchinga.

SAN LUCAS 12:31

Dios mandacucta ashtahuan munaichic. Shinashpaca, ima illashcatapish chasquinguichicllami.