PROVERBIOS 10:22 - Dios Rimashcata Quillcashcami

²² Mandac Dios bendiciashcaca chayucyachinmi. Shinallatac ima llaquipipish mana churanchu.

PROVERBIOS 10:22 Iomraidhean Croise

GÉNESIS 12:2

Cambac huahua huahuacunataca shuc jatun llactatami ruhuasha. Canta bendiciashpami, cambac shutitapish tucuipac alli nishcata ruhuasha. Canmantami bendiciashca cangacuna.

GÉNESIS 13:2

Abramca yalli chayuc cashpami, curitapish, cullquitapish, animalcunatapish achcata charirca.

GÉNESIS 14:23

“Ñucaca shuc puchcallatapish, shuc ushuta huatanallatapish mana japishachu” nishpa ari nircani.

GÉNESIS 24:35

Mandac Diosca ñuca amomanca imatapish achcata bendiciashpami chayucyachishca. Chaimantami ovejacunatapish, vacacunatapish, cullquitapish, curitapish, servic caricunatapish, servic huarmicunatapish, camellocunatapish, burrocunatapish charin.

GÉNESIS 26:12

Isaacca chai llactapimi tarpushpa causarca. Mandac Dios bendiciacpimi, chai huataca shuc granomanta patsac granota tandarca.

GÉNESIS 26:13

Chashnami Isaacca tucuita charishpa, ashtahuan chayucyashpa catirca.

1 REYES 21:19

Paita rimashpaca: “Mandac Diosca: ‘¿Nabotta huañuchishca jahuachu allpatapish japicungui? Maipimi Nabotpac yahuarta allcucuna lambirca, chaillapitacmi cambac yahuartapish allcucuna lambinga’ ninmi” nigri» nirca.

1 CRÓNICAS 4:10

Jabesca israelcunapac Mandac Diosta mañashpaca: «¡Ñuca ima llaquita mana apangapac ñucata bendiciashpa, ñuca llactatapish achcata ruhuaiyari! ¡Cambac maquihuan ima llaquimantapish huacaichiyari!» nishpa mañacpimi, Mandac Diosca pai mañashcata uyarca.

2 CRÓNICAS 25:9

Shina nicpi, Amasiasca Mandac Diospac runataca: —Patsac talento cullquita Israel soldadocunaman cushcataca, ¿imatatac ruhuasha?— nirca. Shina nicpimi, Mandac Diospac runaca: —Mandac Diosca chaitapish yallitami cunata pudin— nirca.

2 CRÓNICAS 32:27

Ezequiasca yallita chayuc cashpapish, alli nishcapishmi carca. Paica achca curita, cullquita, sumac rumicunata, mishquilla ashnacucta, escudocunata, shuctac alaja charinacunatapish charircami.

2 CRÓNICAS 32:29

Shinallatac tauca pueblocunatapish ruhuarcami. Huagracunatapish, achca manada ovejacunatapish charirca. Cai tucui allicunataca Mandac Diosmi curca.

SALMOS 107:38

Diosmi paicunata bendiciashpa yallita mirachin. Paicunapac animalcunapish mana ima tucunchu.

SALMOS 127:2

Yangallami cancunaca utca trabajoman llucshishpa, tutayanata samaringapac cutinguichic. Micungapacllami shaicucta trabajanguichic. Diosca pai cuyashcacunataca sumactami samachin.

SALMOS 37:22

Pai bendiciashca runacunami llactataca japinga. Shinallatac pai maldiciashca runacunaca tucuchishcami canga.

PROVERBIOS 14:24

Yachaisapa runacunapac corona shinaca alli yachaimi. Ashtahuanpish yuyai illaccunapac coronaca pandarinami can.

PROVERBIOS 20:21

Imapish huacta huacta charishcacunaca quipamanca mana cushichinchu.

PROVERBIOS 28:22

Misa runaca utca chayucyanallatami munashpa causan. Ashtahuanpish huaccha tucunataca mana yachanchu.

PROVERBIOS 8:21

Ñucata cuyaccuna paicuna japina cashcata japichunmi, chashnaca pushasha. Alli valishcacunatapish huacaichinapi jundachishami.

DANIEL 1:15

Ña chunga punzha tucucpica, paicunapac ñahuica jatun mandacpac micunata micuc mosocunapac ñahuita atishpa, ashtahuan sumac huira ñahuimi ricurirca.

ZACARÍAS 5:4

Tucuita Mandac Diosca: «Chai llaquicunataca ñucami cacharcani. Chai llaquimi shuhuaccunapac huasimanpish, ñuca shutipi llullashpa ari niccunapac huasimanpish chayanga. Chashnami paicunapac huasicunapi tiyac caspicunatapish, rumicunatapish tucuchinga» ninmi.

DEUTERONOMIO 26:10

Mandac Dioslla, can cushca allpapi punta pucushcatami apamunchic” ninguichic. Chai canashtata Mandac Diospac ñaupapi churashpa, cancunata Mandac Diosta alli nishpa cumuringuichic.

DEUTERONOMIO 28:11

Mandac Diosmi huahuacunatapish, animalcunatapish, chagracunatapish cancunapac taitacunaman cungapac ari nishca allpapica achcata bendicianga.

JOSUÉ 6:18

Ashtahuanpish, cunanca Dios tucuchingapac chicanyachishcataca, imatapish ama tuparinguichicchu, ama japinguichicchu pacta israelcunapac carpacuna Dios llaquichina tucunman.