PROVERBIOS 10:13 - Dios Rimashcata Quillcashcami

¹³ Alli yuyaita charicpac shimimantaca alli yachaimi llucshin. Ashtahuanpish varaca mana entendiccunata macangapacmi.

PROVERBIOS 10:13 Iomraidhean Croise

SALMOS 32:9

Ama caballo shina, mana cashpaca mula shina yuyai illac caichu. Chaicunataca anguhuan huatashpa, frenota shimipi churashpami cazuchincuna. Mana chashna ruhuashpaca mana cuchuyai pudinguichu» nircangui.

SALMOS 37:30

Cashcata ruhuac runaca alli yachashca rimaicunatami riman. Paipac calluca imapish cashcallatatacmi riman.

ÉXODO 10:12

Chaimantami Mandac Diosca Moisestaca: —Egipto llactata tucui langostacuna llucshishpa tapachun, Egipto allpa jahuata cambac maquita alzai. Shina ruhuacpica, rundumanta puchushca granotapish, tucui yuracunatapish tucuimi tucuchinga— nirca.

PROVERBIOS 10:21

Cashcata ruhuac runapac shimica achcacunatami allita pushan. Ashtahuanpish mana yachaccunaca mana entendishpami huañuncuna.

PROVERBIOS 10:31

Cashcata ruhuac runapac shimica alli yachaitami riman. Ashtahuanpish millaita rimactaca callutami pitinga.

PROVERBIOS 15:23

Runaca sumacta rimashpa cutichishpami cushicun. ¡Alli rimaita parlachun munashca horasca mai sumacmi!

PROVERBIOS 15:7

Yuyaisapa runacunapac rimashcaca alli yachaitami tarpun. Mana entendic runapac shunguca mana chashna ruhuanchu.

PROVERBIOS 16:21

Shungupi yuyaisapa runaca entendic runa nishcami canga. Sumacta rimashcaca ashtahuanmi yachachin.

PROVERBIOS 17:10

Alli yuyaiyuc runa rimashcaca yuyai illac runata patsac cutin azotishcatapish yalli allimi.

PROVERBIOS 19:29

Burlashpa asiccunata llaquichingapacca allichishcami tiyacun. Yuyai illac runacunata lomopi azotinapish allichishcami tiyacun.

PROVERBIOS 20:15

Curipish, sumac achic nicuc rumicunapish achcami tiyan. Shina cacpipish, alli yachaccunapac rimashcami chaicunamanta yalli valin.

PROVERBIOS 26:3

Chicoteca caballota macangapacmi. Frenoca burrota cazuchingapacmi. Varaca yuyai illac runata lomopi shitangapacmi.

PROVERBIOS 27:22

Yuyai illac runaca cutana rumipi trigota cutac shina, cutin cutin tigrachishpa tacacpipish manatac entendingachu.

PROVERBIOS 6:32

Ashtahuanpish shucpac huarmihuan chayarinacucca alli yuyaitaca mana charinchu. Chaita ruhuashpaca paipac causaitami chingachin.

PROVERBIOS 7:22

Paica ari nishcahuanmi catishpa rirca. Huagra huañungapac ric shina, yuyai illac runa prezu japi tucushpa, llaqui tucungapac ric shinami rircalla.

ISAÍAS 50:4

Mandac Diosmi ñucataca shaicushca causaccunata samachichun yachachirca. Tucui tutamantami pai yachachishcata tucui shunguhuan uyachun ricchachin.

SAN LUCAS 4:22

Shina sumacta rimashcamantami, tucui uyaccunaca mancharishpa, Jesusmanta allita rimarcacuna. Chaimantami caishuc chaishuc tapushpaca: —¿Caica manachu Josepac churi?— ninacurca.