PROVERBIOS 1:10 - Dios Rimashcata Quillcashcami

¹⁰ Ñuca huahualla, millaita ruhuaccuna inquitacpipish ama uyanguichu.

PROVERBIOS 1:10 Iomraidhean Croise

GÉNESIS 37:20

Cunanca, paipac muscushca pactacta ricungapac huañuchishpa, jutcupi shitashunchic. Shina huañuchishpaca taitamanca: “Ima sacha animalcunami micushca canga” nishunllami— nircacuna.

SALMOS 1:1

Millaita ruhuaccuna cunashcatapish mana uyac, juchata ruhuaccunapac ñantapish mana catic, Dios-huan burlaccunahuan mana tandaric runaca maimi cushicunmi.

SALMOS 50:18

Shuhuac ricuricpica, sumactami chasquingui. Huainayaccunahuanmi pacta puringui.

PROVERBIOS 13:20

Yachaisapa runacunahuan tandanacucca yachaisapami tucunga. Ashtahuanpish yuyai illac runacunahuan tandanacucca paipish yuyai illacmi tucun.

PROVERBIOS 16:29

Millai runaca paipac ricsishcata umashpami, mana alli ñanta pushan.

PROVERBIOS 20:19

Huashalla parlac runaca shungupi tiyacushcatami llucchichin. Imatapish rimac runahuanca pacta tandaringuiman.

PROVERBIOS 24:2

Paicunapac shungupica macanacunallatami yuyacuncuna. Paicunapac shimica mapacunallatami rimancuna.

ISAÍAS 33:15

Maijanpish cashcata ruhuac, mana llullac, pimanta quichushpa mana chayucyac, allita ruhuangapac imata mana pacalla japic, huañuchina yuyaita mana uyasha nic, ima mana allita mana ricusha nicmi

ROMANOS 16:18

Chai shina yachachic runacunaca paicunapac munaillata ruhuashpami, Apunchic Jesustaca mana servincuna. Paicunaca mishquilla, uyanalla rimaicunata rimashpami, manarac alli yachac gentecunata pandachincuna.

EFESIOS 5:11

Amsapi causac, mana allita ruhuaccuna shina yangallaca ama causaichicchu. Chaipac randica chashna ruhuaccunataca “mana allichu” nishpa rimashpami, achicman llucchina canguichic.

DEUTERONOMIO 13:8

Paicunataca mana uyanachu canguichic, mana ricunachu canguichic. Ama llaquinguichicchu, paicunamantaca amatac shungupi nanaringuichicchu. Shinallatac paicunata ricushpa, ama upalla saquiringuichicchu.