OSEAS 9:4 - Dios Rimashcata Quillcashcami

⁴ Tallina vinotapish Mandac Diosman mana cungachu. Imata cushcatapish mana chasquingachu. Tandapish duelo huasipi micuna tanda shinami canga. Chaita tucui micuccunami mapayanga. Chai tandaca Mandac Diospac huasiman mana yaicungachu. Ashtahuanpish chai tandaca paicuna micungapacllami canga.

OSEAS 9:4 Iomraidhean Croise

ÉXODO 29:40

Tutamantaca cada ovejahuan shuc litro yalli harinahuan, shinallatac shuc litrota chaupi olivos tacashca aceitehuan cungui. Ovejataca litrota chaupi vinohuan ñucaman cungui.

ÉXODO 40:23

Moisesca Mandac Dios mandashca shinallatacmi chai miza jahuapica Diosman cuna tandata allichishpa churarca.

ISAÍAS 57:6

Cancunaca pambapi tiyac llambuclla rumicunatami adoranguichic. Chai rumicunamanmi vinota tallishpa, ofrendacunatapish curcanguichic. Chai tucui mana allita ruhuashcamantaca, ¿manachu llaquichina cani?

ISAÍAS 66:3

Huagrata huañuchishpa ñucaman cushcaca shuc runata huañuchishpa cushca shinami. Ovejata huañuchishpa cushcaca allcuta huañuchishpa, cushca shinami. Ima ofrendata ñucaman cushcaca cuchi yahuarta cushca shinami. Inciensota cushnichishcaca yanga diosta mañashca shinami. Chashna paicuna quiquin munashcata ruhuashpa, millanayaita ruhuashpa shungupi cushicushcamantaca,

JEREMÍAS 16:7

Llaquihuan cashpa, cushichina micunatapish pi mana carangachu. Shinallatac taita mama huañushcamanta llaquilla cacpipish, cushichina ubianata pi mana cungachu.

JEREMÍAS 6:20

¿Imapactac Sabá llactamanta inciensota apamunguichic? ¿Imapactac caru llactamanta mishquilla ashnacuc huiruta apamunguichic? Cancuna tucui rupachishcatapish, Cancunapac ofrendatapish mana munanichu nini» ninmi.

EZEQUIEL 24:17

Shungullapi llaquiringui. Ama duelo churanata churaringuichu. Ashtahuanpish umapica turbanteta, chaquipica ushutata churaringui. Ñahuitapish ama taparinguichu, veloriopi micunatapish ama micunguichu» nirca.

EZEQUIEL 24:22

Cutin cancunaca ñuca ima shinami ruhuarcani chashnallatac ruhuanguichic. Cancunapac ñahuitapish ama taparinguichicchu, veloriopi micunatapish ama micunguichicchu.

DANIEL 1:8

Danielca jatun mandacpac micunatapish, pai ubiana vinotapish micushpa, ubiashpa mapayanatami paipac shungupi mancharca. Chaimantami mandana huasipi serviccunata mandactaca: “Caita micushpaca mapayashunmi, cai micunata micuchun ama mandaichu” nirca.

OSEAS 3:4

Unaitami israelcunaca jatun mandactapish, quipa mandactapish mana charinga. Shinallatac rumi dioscunapish, efod nishcapish, Terafín dioscunapish, Diosman animalta cushpa huañuchinapish mana tiyangachu.

OSEAS 7:16

Paicuna cutirishpapish mana jahua pachapi causac Diospacman cutirircachu. Ashtahuanpish espadata mana alli shitac shinami llullarca. Jatun tucushpa, mana allita rimashcamantami mandaccunapish espadapi huañurca. Chashna millai cashcamantami, Egipto llactapi causaccunaca burlashpa asingacuna» ninmi.

OSEAS 8:13

Ñucaman animalta cushpa huañuchishca aichatapish micurcami. Chaicunataca Mandac Dios ñucaca mana munanichu. Cunanca mana allita ruhuashcata yuyarishpami paicunapac juchamanta llaquichigrini. Paicunaca Egiptomanmi cutinga.

JOEL 1:13

¡Curacunalla, sharpa churanata churarishpa huacaichicyari! ¡Altarpi serviccunalla, llaquillata huacaichicyari! Mandac Diosta serviccunalla, sharpa churanata churarishpa, sueñungapac shamuichicyari. Mandac Diospac huasimantaca ofrendatapish, tallina vinotapish anchuchishcami.

JOEL 1:9

Mandac Diospac huasipica ofrendapish, tallina vinopish mana tiyanchu. Mandac Diosta servic curacunapish llaquillatami huacacun.

JOEL 2:14

Pai shamushpa, cancunata mana llaquichingapishchari. Cancunaman allicunata cungapishchari. Mandac Diosca ofrendata cuchun, tallina vinopish, grano granotapish cungapishchari.

LEVÍTICO 17:11

Causaiyucca yahuarmantami causan. Yahuartaca ñucami cancunapac juchamanta altar jahuapi chirapachun curcani. Chai yahuarllamantami gentecunaca juchamanta perdonashca canga.

LEVÍTICO 21:17

«Aarontaca: “Cambac huahua huahuapuramanta maijan lisiado runaca ñucaman ofrendata cungapac mana cuchuyanachu can.

LEVÍTICO 21:21

Aaronpac aillupuramanta maijan lisiado runaca ofrendata cushpa, rupachingapac mana ñucapacman mana cuchuyanachu can. Lisiado runaca manatac ñucapacman cuchuyanachu can.

LEVÍTICO 21:6

Paicunaca ñucaman cushpa rupachiccunami. Chaimantami ñucapac shutita mana mapayachingapac, ñucapaclla chicanyarishca, jucha illac cana can.

LEVÍTICO 21:8

Paicunaca ñucaman micunata cuccunami. Chaimanta paicunataca Mandac Dios ñucapaclla cashca, jucha illac cashcata yuyanguichic. Ñucaca jucha illacmi cani. Chaimanta paicunapish jucha illacmi cana can. Ñucami jucha illacta ruhuacpish cani.

AMÓS 5:22

Ñucaman animalta cushpa tucui rupachicpipish, ofrendata cucpipish, mana chasquishachu. Ñucahuan alli tucungapac huira animalta ñucaman cucpica, ricunallatapish mana ricushachu.

MALAQUÍAS 2:13

Cancunaca mana chaillatachu ruhuarcanguichic. Yallita huacashca huiquihuanmi Mandac Diospac altarta taparcanguichic. Mandac Dios ofrendata cancunapac maquimanta mana chasquishcamantami yallita caparishpa huacarcanguichic.

NÚMEROS 19:11

Maijanpish, huañushcapi tuparishpaca canchis punzhacamanmi mapa canga.

NÚMEROS 28:2

«Israelcunataca: “Ñucaman cuna ofrendataca chai cuna punzhapi, ñucaman mishquilla ashnachun rupachinguichic” ningui.

NÚMEROS 4:7

Tandata churana miza jahuapica azul pañota tendishpa, chai jahuapi platocunata, cucharacunata, tallina vinota, vasocunata, jarrocunata, punzhanta ñucapac ñaupapi churana tandatapish churanga.

SAN JUAN 6:51

Ñucami jahua pachamanta shamushca, causaita cuc tandaca cani. Maijanpish cai tandata micucca, huiñaita causangami. Cai tandaca ñuca quiquin aichami. Chaitaca cai pachapi causaccuna huiñai causaita charichunmi cusha— nirca.

DEUTERONOMIO 26:14

Chaicunataca huañuimanta llaquilla cashpapish mana micushcanchicchu, mapa cashpapish imata mana ruhuashcanchicchu, huañushcacunamanpish mana carashcanchicchu. Ñucanchicta Mandac Dios nishcata ruhuashpami tucui pai mandashcacunata pactachishcanchic.