OSEAS 8:6 - Dios Rimashcata Quillcashcami

⁶ Cai beci diosca maquillahuan ruhuashcallami. Chaica mana Dioschu. Chaimantami Samariapi tiyac beci diosca ñutuchishca canga.

OSEAS 8:6 Iomraidhean Croise

2 REYES 23:15

Bet-el pueblopi tiyac altarcunatapish, israelcunata juchata ruhuachic Nabatpac churi Jeroboam lomapi ruhuachishca altarcunatapish tucuchircami. Chai altarcunatapish, lomapi tiyac altarcunatapish rupachishpami uchupata ruhuarca. Asera diostapish rupachircami.

2 REYES 23:19

Josiasca Samaria pueblocunapi tiyac lomacunapi israelcunata jatun mandaccuna ruhuashca diospac huasicunatapish Bet-el pueblopi ruhuashca shinallatacmi ruhuarca. Chai altarcunata ruhuashpami, Diosta yallita piñachircacuna.

2 CRÓNICAS 13:8

Cunanca, cancuna achca cashcamanta, cancunapac dioscuna cachun Jeroboam ruhuachishca curi becita charishpami, Davidpac huahua huahuacuna mandachun Mandac Dios cushcataca mana cazushun ninguichic.

2 CRÓNICAS 31:1

Tucui chaicunata ruhuashca quipami chaipi tandanacushca tucui israelcunaca Judá llacta pueblocunaman rishpa, ruhuashcalla dioscunatapish, Asera huarmi diosta yuyarina yuratapish tucui paquishpa tucuchirca. Tucui Judá llacta, Benjamín llacta lomacunapi tiyac altarcunatapish urmachircacunami. Efraín llactatapish, Manasés llactatapish tucui tucuchingacamanmi urmachircacuna. Chai quipami israelcunaca paicunapac pueblocunaman, paicuna causacuc allpacunaman cutircacuna.

JEREMÍAS 10:14

Tucui gentecunami yuyai illac, imata mana yachaccuna. Cullquita yacuyachishpa ruhuashca dioscunaca yanga llullallami. Chaicunapica samaipish mana tiyanchu. Chaimantami cullquita yacuyachishpa, yanga dioscunata ruhuac runacunaca pingai tucushca.

JEREMÍAS 48:13

Shina ruhuacpimi, Moab llactaca Bet-el diospi shunguta churashcamanta israelcuna pingai tucushca shina, Quemos diospi shunguta churaccunaca pingaihuan canga.

JEREMÍAS 50:2

«Llactacunapi caparishpa huillaichicyari. Banderacunata shayachichicyari. Mana pacashpa huillashpa: “Babilonia llactaca shuccunapac maquipimi. Bel diosca yallita pingaimi tucushca. Merodac diospish polvoshcami. Paicunapac ruhuashcalla dioscunapish ñutuchishcami siricun” nishpa caparichicyari.

OSEAS 10:2

Israelcunaca ishcai shungumi. Chaimantami cunanca juchanchishca canga. Mandac Diosmi paicunapac altarcunatapish, yanga dioscunatapish ñutuchishpa tucuchigrin.

OSEAS 13:2

Cunanpish paicuna munashca shinami cullquita yacuyachishpa, imaman riccha dioscunata, ruhuashcalla dioscunata ruhuashpa yallita juchallincuna. Chashna ruhuashpami: “Cai dioscunaman animalta cushpa huañuchichic” nincuna. Shina nicpica, chai beci dioscunatami gentecunaca muchancuna.

OSEAS 14:3

Asiriocunaca ñucanchictaca mana quishpichingachu. Caballocunapipish mana montashunchu. Ñucanchicllatac ruhuashca dioscunataca jaicapi mana: “Caimi ñucanchic diosca” nishunchu. Taita mama illac huahuataca canllami llaquingui» nishpa mañaichicyari.

MIQUEAS 1:7

Paicunapac rumi dioscunatapish ñutuchishami. Chai dioscunaman cushcacunataca ninapimi rupachisha. Chai dioscunataca tucui tucuchishpami shitashca pambata shina ruhuasha. Chaicunataca huainayac huarmicuna pagashca cullquihuanmi ruhuashca carca. Chaicunaca huainayac huarmicunallamantacmi cutinga» ninmi.

HABACUC 2:18

Artesano ruhuashca diosca, ¿imapactac valin? Yacuyachishpa ruhuashca diosca, ¿imapactac valin? Chai diosca llullamanmi apan. Imamanpish riccha, mana rimaric dioscunata ruhuacca, ¿ima shinatac chai dioscunapi shunguta churanga?

HECHOS 17:29

Diospac huahuacunatac cashpaca mana: “Diosca curimanta, cullquimanta, rumimanta ruhuashcami” nishpa, yuyanachu canchic. Chaica gentecunapac yuyaillami.

HECHOS 19:26

Chai Pablo imata nishpa puricuctaca cancunallatac ricunguichicmi, uyanguichicmi. Paica: “Maquihuan ruhuashcaca mana dioschu” nishpami puricun. Mana cai Efeso pueblollapi, ashtahuanpish tucui Asia llactapimi achcacunata crichishca.