OSEAS 7:9 - Dios Rimashcata Quillcashcami

⁹ Shuctac llacta gentecuna paita irquiyachicuctaca mana yachanchu. Yurac accha cashcatapish mana yachanchu.

OSEAS 7:9 Iomraidhean Croise

2 REYES 13:22

Joacaz mandacui tucui huatacunapimi Siria llactata jatun mandac Hazaelca israelcunata yallita llaquichishpa charirca.

2 REYES 15:19

Chai punzhacunami Asiria llactata jatun mandac Pulca Israel llactahuan macanacungapac shamurca. Chaimantami Manahemca pai mandanata sinchiyachingapac jatun mandac Pulman shuc huaranga talento cullquita curca.

PROVERBIOS 23:35

Canca: «Macashcacunami. Shina cacpipish, mana nananchu. Chugrichishcacunami. Shina cacpipish, mana yuyarinichu. Riccharishpaca ubiagrishallatacmi» ninguimi.

ISAÍAS 1:7

Cancunapac llactaca shitashcami. Pueblocunapish rupachishcami. Pambacunapi pucushcacunatapish shuctac llacta gentecunami cancunapac ñaupallapitac micushca. Shuctac llacta gentecunami shitashca pambata saquishca.

ISAÍAS 48:8

Caicunata manarac uyashpa, manarac ricsishpami causarcanguichic. Cancunapac ringrica mana alli uyacchu carca. Ñucaca cancuna mana cazugricushcataca yacharcanimi. Chaimantami mamapac huicsapi cacpirac “mana cazuccunami canguichic” nircani.

ISAÍAS 57:1

Cashcata ruhuac runa huañucpica, pipish mana yuyarinchu. Llaquic runa chingaricpica, pipish mana entendinchu. Chashna huañushpa llaquimanta anchuchishcataca pi mana yuyarinchu.

OSEAS 4:6

Ñuca acllashcacunaca mana yachashcamantami chingaringa. Cancunataca ñuca yachachishcata mana chasquishcamantami curacunapuramanta anchuchisha. Ñuca mandashcacunata cungarishcamantami ñucapish cancunapac huahua huahuacunata cungarisha.

OSEAS 8:7

Paicunaca huairata tarpushpaca acapana huairatami cosechanga. Ima cosechanapish mana tiyangachu. Trigopish cutachingapac mana tiyangachu. Trigo pucucpipish, caru llacta runacunami micunga.