OSEAS 7:8 - Dios Rimashcata Quillcashcami

⁸ Efraín ailluca shuctac llactacunahuanmi chapurishca. Shuc ladollata cusashca torta shinami tucushca.

OSEAS 7:8 Iomraidhean Croise

1 REYES 18:21

Chashna tandachicpimi, gentecunapac ñaupaman Elías cuchuyashpaca: —¿Ima horascamantac cancunaca cashna ishcai yuyaihuan causagringuichic? Mandac Dios, Dios cacpica, paita catichicyari. Mana cashpaca Baal dios cacpica, paita catichicyari— nirca. Shina nicpica, gentecunaca imata mana nircachu.

ESDRAS 9:1

Tucui chaicuna tucushca quipami israelcunata mandaccuna ñucapacman shamushpaca: «Israelcunapish, curacunapish, levitacunapish cai llactapi causac cananeocunamanta, heteocunamanta, ferezeocunamanta, jebuseocunamanta, amonitacunamanta, moabitacunamanta, Egipto runacunamanta, amorreocunamanta mana chicanyarishpami paicuna shinallatac millanayai juchacunata ruhuashpa causacuncuna.

ESDRAS 9:12

Chaimanta cunanca, cancunapac ushicunata paicunapac churicunahuan, paicunapac ushicunata cancunapac churicunahuan ama cazarachinguichicchu. Cancuna chai llactapi pucushca micunacunata micushpa sinchita causangapac, allpacunatapish cancunapac huahua huahuacunaman tucui causaipi saquingapacca paicunaman alli tucushpa causanata, paicunapac ima allitapish ama ruhuanguichicchu” nircanguimi.

SALMOS 106:35

Chaipac randica chai gentecunahuan tandarishpami mana allita ruhuanata yachacurcacuna.

OSEAS 5:13

Efraín ailluca ungüihuanmi llaquichishca canga. Judá llactapi causaccunataca sisu ungüimi tucuchinga. Chaimantami Efraín ailluca Asiria llactata jatun mandac Jarebman huillachun cachanga. Shina ricpipish, sisu ungüitaca mana jambingachu.

OSEAS 5:7

Paicunaca Mandac Diosta mana cazushpami, shuccunapac huahuacunata charin. Cunanca paicunapish, paicunapac allpapish shuc quillapimi tucuringa.

OSEAS 7:9

Shuctac llacta gentecuna paita irquiyachicuctaca mana yachanchu. Yurac accha cashcatapish mana yachanchu.

OSEAS 9:3

Efraín ailluca Mandac Dios cushca llactapica mana saquiringachu. Ashtahuanpish Egiptoman, Asiria llactamanmi cutinga. Chaipimi millana micunata micunga.

SOFONÍAS 1:5

Huasi jahuacunapi cungurishpa, lucerocunata mañaccunatapish, ñucata adorashpa ñuca shutipi, Milcom diospac shutipi, ari niccunatapish tucuchishami.

MALAQUÍAS 2:11

Judá llactapipish, Israel llactapipish, Jerusalenpipish mana cazushpami, millana juchacunata ruhuarca. Judá llactapi causaccunaca Mandac Dios cuyashca paipaclla huasita yangapi churashpa, mana ricsishca dioscunata mañac huarmicunahuanmi cazararca.

SAN MATEO 6:24

Maijanpish ishcai amotaca mana servi pudinchu. Chaica, shuc amotaca piñangami, caishuctaca cuyangami. Shuc amo mandashcataca cazungami, cutin caishuc amo mandashcataca mana cazungachu. Chashnami maijanpish charicyana yuyailla cashpaca, Diostaca mana servi pudinga.