OSEAS 7:4 - Dios Rimashcata Quillcashcami

⁴ Paicunaca yallita huainayaccunami. Paicunaca tandata ruhuai callarishpa, tanda punguillingacaman rupac horno shinami.

OSEAS 7:4 Iomraidhean Croise

JEREMÍAS 23:10

Cai llactaca huainayashpa juchacunata ruhuaccuna jundami. Mandac Dios mana alli nicpimi, allpapish shitashca pamba shina, michina pambacunapish tucui chaquishca. Shuccunata llaquichingapacllami sinchi cancuna» nirca.

JEREMÍAS 9:1

¡Ñuca llactapi causaccuna huañushcamanta tutapish, punzhapish huacangapac, ñuca umaca yacu jundu shina, ñahuica tucyac yacu shina canmanlla!

JEREMÍAS 9:2

¡Ñuca llactapi causaccunamanta caruyashpa, shitashca pambata ricucpi, ñucaman pozanata cushpachari alli canman! Paicunaca huainayaccunami, tandanacushpa millaita ruhuaccunami.

OSEAS 4:10

Mandac Dios ñucata saquishcamantami micushpapish mana sacsanga. Huahuata charinata munashpapish mana chari pudingachu.

OSEAS 4:12

Ñuca acllashcacunaca imatapish yachangapacmi paicunapac yanga diosman tapun. Chai caspihuanmi ima tucunata huillasha. Paicunataca huainayana yuyaimi pandachin. Chai shina huainayashpa causangapacmi Mandac Diosmanta anchurin.

OSEAS 4:2

Ashtahuanpish llaquichina, llullana, huañuchina, shuhuana, huainayana yuyaillami tiyan. Punzhantami huañuchin.

1 CORINTIOS 5:6

Chashna mana allicuna tiyashca jahuaca, mana allichu jatun tucunaca. ¿Manachu ashalla levadura tucui chaputa punguillichic cashcataca yachanguichic?

SANTIAGO 4:4

¡Aij, Diosta mana cazuc gentecunalla! Cai pachapaclla caccunata cuyacca, Diostaca piñanmi. Chaitaca, ¿manachu yachanguichic? Maijanpish cai pachapaclla caccunata cuyasha niccunaca, Diosta piñaccunami tucun.