OSEAS 7:10 - Dios Rimashcata Quillcashcami

¹⁰ Israelcunataca paicuna jatun tucushcallatacmi llaquichinga. Shina cacpipish, paicunaca Mandac Dios ñucapacman cutinata mana munanchu. Paitaca mana mashcanchu.

OSEAS 7:10 Iomraidhean Croise

SALMOS 10:4

Millaita ruhuacca ñahui shuctacyashpa jatun tucushpami Diostaca mana mashcan. Paica Dios mana tiyashcatami yuyan.

SALMOS 14:2

Paita mashcac alli yuyaiyucca maijanllapish tiyangami nishpami, Mandac Diosca huañunalla gentecunataca jahua pachamanta ricurca.

SALMOS 53:2

Diosca huañuclla gentecunapurapi shucllapish alli yuyaiyuc, Diosta mashcac tiyangami nishpami, jahua pachamanta tucuita ricurca.

PROVERBIOS 27:22

Yuyai illac runaca cutana rumipi trigota cutac shina, cutin cutin tigrachishpa tacacpipish manatac entendingachu.

ISAÍAS 9:12

Chaimantami inti llucshina ladomantaca siriocunata, inti tigrana ladomantaca filisteocunata pushamunga. Paicunami israelcunataca shuc amullita shina ruhuashpa tucuchinga. Chashna llaquichishpapish Mandac Diosca nina japiric shina piñarishcataca mana pasachishcachu. Ashtahuanpish llaquichingaracmi.

ISAÍAS 9:13

Shina llaquichicpipish, paicunaca llaquichicpacmanca mana cutirircachu. Tucuita Mandac Diostaca mana mashcarcachu.

JEREMÍAS 3:3

Chaimantami punta tamyapish, chagrata pucuchic quipa tamyapish mana tiyarca. Cullquimanta huainayac huarmi shinami, manatac pingarcangui.

OSEAS 13:14

Paicunataca, ¿Seolman rinamanta anchuchishachu? ¿Huañuimanta quishpichishachu? Ñuca anchuchingapacca, ¿maipitac huañuica? Ñuca canta tucuchingapac, ¿maipitac Seolca? Cai runacunataca mana llaquinichu.

OSEAS 5:5

Israelcunaca jatun tucushpami, paicunapac llaquipacllatac rimaringa. Israelcunapish, Efraín aillupish paicunapac juchallapitacmi mitcaric shina urmanga. Shinallatacmi Judá llactapi causaccunapish urmanga.

OSEAS 6:1

Israelcunaca: «¡Mandac Diospacman cutiringapac shamuichic! Paica ñucanchictaca ñutuchic shina ruhuashpapish jambingami. Pai chugrichishpapish chai chugrita huatashpa allichingami.

OSEAS 7:7

Tucui paicunami rupacuc horno shina, paicunapac juezcunataca tucuchirca. Jatun mandaccunapish tucuimi huañurca. Paicunapurapica shucllapish ñucata mañacca mana tiyanchu.

SOFONÍAS 1:6

Ñucamanta anchuriccunatapish, ñucata mana mashcaccunatapish, ñucaman mana tapuccunatapish tucuchishami» ninmi.

ZACARÍAS 1:4

Ama cancunapac ñaupa taitacuna shina causaichicchu. Paicunaman ñuca ima nishcata utcapi huillachishpaca: “Mandac Diosca: Mana alli ñanta catinata, mana allita ruhuanacunata saquichic” nishpami huillarcani. Shina huillacpipish, mana cazushpa, ñucamanta huillashcata mana uyasha nircanguichicchu.

ROMANOS 3:11

Pipish mana entendinchu. Diosmanta yachacpish, pi mana tiyanchu.