OSEAS 4:9 - Dios Rimashcata Quillcashcami

⁹ Gentecunapish, curacunapish chashnallatacmi can. Paicuna ima shina ruhuashpa causashca shinallatacmi llaquichisha.

OSEAS 4:9 Iomraidhean Croise

PROVERBIOS 11:31

Cashcata ruhuac runaca cai pachapi pai japinata japingami. Shina cacpica, ¡Diosta mana manchac juchayuc runaca llaquitaca japingatacmi!

PROVERBIOS 12:14

Runaca pai rimashca shinallatacmi imata cashpapish mana nicta japinga. Paipac maquihuan imata ruhuashca shinallatacmi pai japinataca chasquinga.

PROVERBIOS 5:22

Diosta mana manchactaca pai mana allita ruhuashcacunallatacmi llaquichinga. Pai ruhuashca juchallatacmi tuclla shina japishpa urmachinga.

ISAÍAS 24:2

Chai llaquica llactapi causactapish, curatapish, amotapish, servictapish, amatapish, servic huarmitapish, randictapish, catuctapish, cullquita mañachictapish, cullquita mañactapish, imata mañachictapishmi llaquichinga.

ISAÍAS 3:10

Cashcata ruhuaccunataca “allitami causangui” nichic. Paipac maquihuan imatapish ruhuashpami micunata japinga.

JEREMÍAS 5:31

Dios ima nishcata huillaccunapish llullashpami huillan. Curacunapish paicuna munashca shinami pushacun. Ñuca acllashcacunapish chaitami munancuna. Chaimanta llaqui punzhacuna chayamucpica, ¿imatatac ruhuanguichic?

EZEQUIEL 44:10

Israelcuna ruhuashcalla dioscunata adorangapac ñucamanta caruyacta ricushpaca, levitacunapish ñucamanta caruyarcami. Chaimantami paicunapish llaqui tucunga.

EZEQUIEL 44:12

Paicunaca ruhuashcalla dioscunata servishpami, israelcunata pandachirca. Chaimantami paicunata llaquichisha. Chaitaca Mandac Dios ñucami nini.

OSEAS 1:4

Chaimantami Mandac Diosca Oseastaca: «Chai huahuataca Jezreelta shutichi. Chaica, asha punzhacuna quipaca Jezreel runacunata huañuchishcamantami Jehupac huahua huahuacunataca llaquichisha. Shinallatac israelcunata mandaccunatapish tucuchishami.

OSEAS 10:10

Paicunataca ñuca nishca punzhami llaquichisha. Paicuna yallita millaita ruhuashcamantaca shuctac llacta gentecunami tandanacushpa llaquichingapac shamunga.

OSEAS 12:2

Mandac Diosca Judá llactapi causaccunahuanmi piñarishca. Jacobopac huahuacunataca paicuna mana alli ruhuashca shinallatacmi llaquichinga.

OSEAS 12:3

Jacoboca, paipac mamapac huicsamantaca paipac huauquipac chaquipi charirashpami llucshirca. Ña jatunyashpaca, angelhuan macanacushpami misharca.

OSEAS 7:2

Tucui paicuna mana allita ruhuashcata ñuca yuyaipi charicushcataca mana shungupi yuyarinchu. Tucui paicuna mana allita ruhuashcataca ricucunimi. Chai mana allita ruhuashcacunami paicunata chaupinchishpa charicun.

OSEAS 8:13

Ñucaman animalta cushpa huañuchishca aichatapish micurcami. Chaicunataca Mandac Dios ñucaca mana munanichu. Cunanca mana allita ruhuashcata yuyarishpami paicunapac juchamanta llaquichigrini. Paicunaca Egiptomanmi cutinga.

OSEAS 9:15

Mandac Diosca: «Paicuna mana allita ruhuashcataca Gilgalpi ricunallami. Chaipimi paicunataca mana ricunayachircani. Paicuna yalli mana allita ruhuashcamantami, ñuca huasimanta llucchishpa cachasha, mana ashtahuan cuyashachu. Paicunata tucui mandaccunapish mana cazuccunami.

OSEAS 9:9

Gabaa llactapi causaccuna shinallatacmi yallita millaita ruhuashpa causarca. Cunanca, paicuna mana allita ruhuashcata Mandac Dios yuyarishpami llaquichinga.

ZACARÍAS 1:6

Ashtahuanpish ñuca rimashcacunata, ñuca mandashcacunata, ñuca ima nishcata huillac ñucata serviccuna huillachishcaca, ¿manachu cancunapac ñaupa taita causacui punzhacunapi pactarca? Chaimantami paicuna ñucapacman cutimushpaca: “Mandac Diosca mana alli ñancunapi ñucanchic purishca shinallatac, mana allita ruhuashca shinallatacmi llaquichinata yuyarirca. Paica ñucanchictaca chashnallatacmi ruhuarca” nircacuna nishpa huillai» nirca.

SAN MATEO 15:14

Ñahui mana ricuc shina pushaccunataca saquichiclla. Ñahui mana ricucpura pushanacushpaca, ishcaitacmi jutcupi urmanga— nirca.