OSEAS 4:6 - Dios Rimashcata Quillcashcami

⁶ Ñuca acllashcacunaca mana yachashcamantami chingaringa. Cancunataca ñuca yachachishcata mana chasquishcamantami curacunapuramanta anchuchisha. Ñuca mandashcacunata cungarishcamantami ñucapish cancunapac huahua huahuacunata cungarisha.

OSEAS 4:6 Iomraidhean Croise

2 CRÓNICAS 15:3

Israelcunaca unaitami causac Dios illac, yachachic curacuna illac, Dios mandashcacunapish illac causarcacuna.

JOB 36:12

Ashtahuanpish mana uyashpaca espadahuan huañuchicpimi ima allitapish mana yachashpa chingaringacuna.

SALMOS 119:139

Ñucata piñaccunaca cambac rimashcata cungarishcamantami, yallita llaquirishpa huañucuni.

SALMOS 119:153

Ñuca huacacucta ricushpa quishpichiyari. Ñucaca can mandashcataca mana cungarishcanichu.

SALMOS 119:61

Canta mana manchaccuna tucllahuan urmachisha nishpa muyunacucpipish, can mandashcacunataca mana cungarircanichu.

SALMOS 18:27

Yangalla gentecunataca quishpichinguimi. Ashtahuanpish jatun tucushcacunataca cumurichinguimi.

PROVERBIOS 10:21

Cashcata ruhuac runapac shimica achcacunatami allita pushan. Ashtahuanpish mana yachaccunaca mana entendishpami huañuncuna.

PROVERBIOS 19:2

Manapish yachashpa imata ruhuanaca mana allichu. Maijanpish callpac shina imatapish utca ruhuacca pandarinmi.

ISAÍAS 1:3

Huagrapish paipac dueñota ricsinmi. Burropish dueñopac corralta ricsinmi. Ashtahuanpish israelcunaca mana ricsincunachu. Ñuca acllashcacunaca mana yuyaita japincunachu.

ISAÍAS 17:10

Chaica, jatun Rumi shina pacac, quishpichic Diosta mana yuyarishpa, cungarishcamantami chashnaca tucunga. Chaimantami cancuna shuctac llactamanta sumac yuracunata apamushpa tarpunguichic.

ISAÍAS 27:11

Chai ramacuna chaquicpica, paquishpami saquinga. Chaicunataca huarmicunami yantashpa rupachinga. Cai gentecunaca mana entendincunachu. Chaimantami paicunata ruhuac Diosca manatac llaquinga. Paicunata ruhuac Diosca mana llaquishpami llaquichinga.

ISAÍAS 28:7

Huillaccunapish, curacunapish vinota ubiashpami pandarirca. Machana yacuta ubiashpami yuyai illac tucurca. Machana yacuta, vinota ubiashpami macharirca. Chaicunata ubiashpa macharishpami, imatapish muscuipi shina, Dios ricuchishcataca pandata huillarca. Imata ruhuashpapish pandarircami.

ISAÍAS 29:12

Cutin, rezanata mana yachacta: «Caita rezashpa uyachi» nicpica: «Mana rezanata yachanichu» ningami.

ISAÍAS 3:12

Ñuca acllashca llactalla, paitaca huambracunami llaquichicun. Paicunami mandacun. Ñuca acllashca llactalla, cantaca mandaccunami pandata yachachishpa, mana alli pushacun.

ISAÍAS 45:20

¡Llactapi causacpuramanta saquirishcacunaca tandanacushpa shamuichic! Caspimanta ruhuashca yanga diosta huanduccuna, manapish quishpichic diosta yallita mañaccunaca imatapish mana yachanchu.

ISAÍAS 5:13

Ñuca acllashcacunaca ñucata mana ricsishcamantami prezu apashca carca. Chaipimi paicunapac alli nishca runacunaca yarcaihuan huañurca. Shinallatac achcacunami yacunayaihuan chaquishpa huañurca.

JEREMÍAS 2:8

Curacunaca: “¿Mandac Diosca maipitacyari?” mana nircachu. Ñuca mandashcata ricuccunapish mana ricsircachu. Michiccunapish ñucataca piñarcami. Ñucamanta huillaccunapish Baal diospac shutipimi huillarca. Chashnami imatapish mana ayudac dioscunatarac catirca.

JEREMÍAS 4:22

Ñuca acllashcacunaca ñucata mana ricsic yuyai illaccunami. Ñuca huahuacunaca imatapish mana yachac, imatapish mana entendiccunami. Millaita ruhuanataca allita yachancunami. Ashtahuanpish allita ruhuanataca mana yachancunachu.

JEREMÍAS 5:21

Yuyai illac, mana entendic gentecuna caita uyaichic. Cancunaca ñahuita charishpapish mana ricunguichicchu. Ringrita charishpapish mana uyanguichicchu.

EZEQUIEL 44:23

Ñuca acllashca gentecunataca imacunalla ñucapaclla cashcata, mana ñucapaclla cashcatami yachachina can. Shinallatac imacunalla mapa cashcata, mana mapa cashcatami ricuchishpa, yachachina can.

OSEAS 13:6

Ñucami cancunaman mana nicta cararcani. Chashna micushpami shungupi jatun tucushpa ñucataca cungarircanguichic.

OSEAS 2:13

Baal diosman fiestata ruhuashpa, inciensota rupachishpa, alli ricuringapac zarcillocunata, sumac huallcacunata churarishpa, paipac cuyaccunata catishpa, ñucata cungarishcamantami chashna llaquichisha. Chaitaca Mandac Dios ñucami nini.

OSEAS 4:1

Israelcunalla, Mandac Dios rimashcata uyaichic. Paica cai llactapi causaccunahuan piñarishcami. Cai llactapica cashcata nicpish, Diosta manchacpish, paimanta yachanata munacpish mana tiyanchu.

OSEAS 4:12

Ñuca acllashcacunaca imatapish yachangapacmi paicunapac yanga diosman tapun. Chai caspihuanmi ima tucunata huillasha. Paicunataca huainayana yuyaimi pandachin. Chai shina huainayashpa causangapacmi Mandac Diosmanta anchurin.

OSEAS 4:14

Can caricunallatacmi huainayac huarmicunahuan huainayanguichic. Chai huarmicunahuami animalta cushpa huañuchinguichic. Chaimantami cancunapac ushicunatapish, nueracunatapish chashna huainayashcamantaca mana llaquichisha. Chaimantami gentecunaca mana yachashcamanta pandaringa.

OSEAS 5:4

Paicunapac shungupi huainayana yuyai tiyashcamantami paicuna ruhuashcacunahuanca mana ñucapacman cuti pudincuna. Chashnami ñucataca mana ricsincuna.

OSEAS 6:6

Ñucaman animalta huañuchinapac randica, ñucata cuyachunmi munani. Animalta tucui rupachinapac randica, ñucata ricsichunmi munani.

OSEAS 7:11

Efraín ailluca paloma shinami imatapish mana yachac tucushca. Chaimantami Egiptopi causaccunatapish, Asiria llactapi causaccunatapish ayudachun mañan.

OSEAS 7:9

Shuctac llacta gentecuna paita irquiyachicuctaca mana yachanchu. Yurac accha cashcatapish mana yachanchu.

OSEAS 8:1

Mandac Diosca: «¡Ñuca huasitaca angacuna shinami, llaquichingapac shamun! ¡Chaimanta trompetapi tocashpa macanacuita huillaiyari! Ñucahuan ari nishcata paquishpami ñuca mandashcata mana cazurca.

OSEAS 8:12

Ñucaca achca yachaicunatami quillcachircani. Chaicunataca yangalla cashcatami yuyarca.

OSEAS 8:14

Israelcunaca paicunata Ruhuac ñucata cungarishpami, mandana huasicunatarac ruhuarca. Judá llactapi causaccunaca muyundita pircashca llactacunatami achcata ruhuarca. Shina cacpipish, chai llactacunapi ñuca ninata japichicpimi, mandana huasicunapish tucui tucuringa» nircami.

OSEAS 9:17

Ñuca Mandac Diosca paita mana cazushcamantami mana ricunayachirca. Chaimantami paicunaca shuctac llactacunapica chingarishpa puricunga.

SAN MATEO 1:6

Isaica jatun mandac David churitami charirca. Jatun mandac Davidca Salomón churitami charirca. Paipac mamaca Uriasmi carca.

SAN MATEO 15:14

Ñahui mana ricuc shina pushaccunataca saquichiclla. Ñahui mana ricucpura pushanacushpaca, ishcaitacmi jutcupi urmanga— nirca.

SAN MATEO 15:8

“Cai gentecunaca shimillahuanmi ñucataca alli nincuna. Ashtahuanpish shunguca, ñucamanta carupimi.

1 SAMUEL 2:12

Elipac churicunaca Diosta mana manchaccuna cashpami, Mandac Diosmantaca imatapish mana yacharca.