OSEAS 4:5 - Dios Rimashcata Quillcashcami

⁵ Punzha pachami llaquipi urmanguichic. Ñucamanta huillacpish cancunahuanmi llaquipi urmanga. Cancunapac mamapish chingaringami

OSEAS 4:5 Iomraidhean Croise

ISAÍAS 50:1

Mandac Diosca: «¿Maipitac cancunapac mama shina, Israel llactata shitashcata ricuchic quillcaca? Mana cashpaca, ¿pimantac debimanta caturcani? Riquichic, cancuna mana allita ruhuashcamantami catushca carcanguichic. Cancunallatac mana cazushcamantami cancunapac mama shina, llactaca millana tucushca.

JEREMÍAS 15:8

Viuda huarmicunaca mama cuchapi tiyac tiyutapish yalli achcami saquirirca. Quipa huiñaicunapac mamacunata huañuchichunca punzha pachami huañuchiccunata cacharcani. Chai llactapica mana yuyashca horasmi yalli manchaita churasha.

JEREMÍAS 23:9

Jeremiasca: «Llullashpa huillaccunamantaca shungu nanarishpa, yallita llaquirishpami tucui ñuca tullucunacaman chucchucuni. Jucha illac Mandac Dios rimashcata uyashpaca, paipac ñaupapi yuyai chingaricta vinota ubiashca runa shinami tucuni.

JEREMÍAS 50:12

Chaimantami cancunapac llactaca yallita pingaichishca saquiringa. Canta sajuaric mamaca yallita pingai tucushpa, tucui llactamanta yalli yangallami saquiringa. Shitashca pamba, chaquishca llactami saquiringa.

EZEQUIEL 14:3

«Huañunalla runa, cai runacunaca ruhuashcalla dioscunata yallita adorashpami, juchapi urmashcacuna. Chashna ruhuashca jahua ñucata tapungapac shamuchunca, ¿maitatac saquishayari?

OSEAS 2:2

¡Cancunapac mamataca juchanchichic paita juchanchichic! Paica mana ñuca huarmichu, ñucapish mana paipac cusachu cani. ¡Huainayanata saquichun! ¡Paipac pechomanta cuyashcacunata anchuchichun!

OSEAS 2:5

Paicunapac mamaca huainayarcami. Paicunata sajuaricca pingaitami ruhuarca. Paica: “Ñuca cuyashcacunatami catisha. Paicunaca micunatapish, yacutapish, millmatapish, linotapish, aceitetapish, ima ubianacunatapish cunmi” nircami.

OSEAS 5:5

Israelcunaca jatun tucushpami, paicunapac llaquipacllatac rimaringa. Israelcunapish, Efraín aillupish paicunapac juchallapitacmi mitcaric shina urmanga. Shinallatacmi Judá llactapi causaccunapish urmanga.

ZACARÍAS 11:8

Shuc quillallapimi quimsa michiccunata tucuchircani. Ñuca shungupish paicunata mana ricunayachircachu. Paicunapac shungupish ñucata mana ricunayachircachu.

ZACARÍAS 13:2

Tucuita Mandac Diosca: «Chai punzhapica cai llactapi tiyac ruhuashcalla dioscunapac shuticunataca tucuitami anchuchisha. Chai dioscunataca mana ashtahuan yuyaringacunachu. Llulla huillaccunatapish, mapayachic espiritutapish cai llactamanta anchuchishami.

GÁLATAS 4:26

Ashtahuanpish jahua pachapi tiyac Jerusalenca mana huatashca shinachu. Ñucanchicca paipac huahuacunami canchic.