OSEAS 4:16 - Dios Rimashcata Quillcashcami

¹⁶ Israelcunaca quita vaquilla shinami mana cazun. ¿Cunanca Mandac Diosca malta ovejacunata shinachu, jatun pambapi michinga?

OSEAS 4:16 Iomraidhean Croise

SALMOS 78:8

Ama ñaupa taitacuna shina Diosta mana cazuc, sinchi shungu, Diosta mana tucui shunguhuan, tucui almahuan catic cachunmi chashnaca yachachichun mandarca.

ISAÍAS 22:18

Pelotata shitac shinami caruta cachanga. Can chaipi huañucpimi, can sumacta purina carretacunapish tucuringa. Cambac amopac huasitapish pingaichinguimi.

ISAÍAS 30:23

Shina ruhuacpimi, Mandac Diosca cancuna tarpucpipish, chai tarpushcaman tamyata cachanga. Chai tamyahuanmi allpacunaca sumac grano pucunga. Chai punzhapica cancunapac animalcunatapish sumac quihua pambapimi michinguichic.

ISAÍAS 5:17

Cari ovejacunatami paicuna michinapica michinga. Chayuccunapac pambacunapi pucushcataca huahua chivocunami micushpa tucuchinga.

JEREMÍAS 14:7

Mandac Dioslla, ñucanchic juchacunallatac ñucanchic mana alli cashcata ricuchicucpipish, cambac shutita cuyashcamanta quishpichiyari. Ñucanchicca canta mana cazushpa, juchata ruhuashpami yallita canta piñachircanchic.

JEREMÍAS 3:11

Mandac Diosca: «Chai mana cazuc Judá llacta juchallishcahuan, mana cazuc Israel llacta juchallishcahuan chimbapurashpa ricucpica, Israelpac juchaca ashallami.

JEREMÍAS 3:6

Jatun mandac Josías mandacui punzhacunapi Mandac Dios rimashpaca: «Mana cazuc israelcuna, ¿imata ruhuashcataca ricushcanguichu? Paicunaca lomacunapi, jatun yura ucucunapimi cullquimanta huainayac huarmi shina juchallirca.

JEREMÍAS 3:8

Chai mana cazuc Israel huainayac shina juchallishcamantami raquirina cartata quillcashpa curcani. Shina ruhuacpipish, mana cazuc ñaña Judaca mana manchashpami, huainayac shina, juchallingapac rirca.

JEREMÍAS 31:18

Efraín llactataca: “Canmi ñucata macashpa llaquichircangui. Piña huagrata shinami llaquichichun cacharcangui. Cambacman ñucaca cutisha ninimi. Canmi ñuca Mandac Dios cangui.

JEREMÍAS 5:6

Chaimantami paicunataca sachapi causac leoncuna huañuchinga. Shitashca pambapi causac atuc shamushpami tucuchinga. Leopardomi paicunapac llacta muyundipi shayacunga. Maijanpish chaimanta llucshictaca japishpami micunga. Paicunaca yallitami Diosta mana cazushpa, juchata ruhuashca» nircani.

JEREMÍAS 7:24

Shina mandacpipish, mana uyarcacunachu, mana cazurcacunachu. Ashtahuanpish sinchi shungu tucushpami, mana allita yuyarishpa, paicuna munashcata ruhuashpa, ñaupaman rinapac randica, huashaiman cutirirca.

JEREMÍAS 8:5

¿Ima nishpatac Jerusalenpi causac cancunaca tucui causaipi ñucata mana cazushpa causanguichic? ¿Ima nishpatac pandarishpalla causashpa, ñucapacman cutinataca mana munanguichic?

OSEAS 10:11

Efraín ailluca trillana pambapi shayacuc vaquilla shinami carca. Ashtahuanpish ñucami cungapi yugota churasha. Ñucami Efraín aillutaca yugosha. Judá aillucunami yapunga. Jacobomi allpata ñutuchinga.

OSEAS 11:6

Paicunapac llactacunapi causaccunataca espadahuan tucui huañuchishpami, jarcashca pircacunatapish polvonga. Paicuna mana allita yuyarishcamantami chashna tucuchinga.

OSEAS 11:7

Ñuca acllashcacunaca jatun tucushpami, ñucata mana cazun. Jahua pachapi causac Dios ninacushpapish ñucataca pi mana jatunyachinata munanchu.

LEVÍTICO 26:33

Cancunataca espadahuan llaquichishpami caita chaita catishpa cachasha. Cancunapac causana llactaca shitashcami saquiringa. Cancunapac causana pueblocunapish llaquinayaitami tucuchishca saquiringa.

ZACARÍAS 7:11

Shina nicpipish, mana uyashun nircachu. Ashtahuanpish huashaman tigrarishpa, mana uyasha nishpami, ringrita taparca.

1 SAMUEL 15:11

—Saulta jatun mandac cachun churashcamantaca yallitami llaquirini. Paica ñucamanta anchurishpami ñuca mandashcataca mana pactachirca— nirca. Shina nicpimi, Samuelca yallita llaquirishpa Mandac Diostaca tucui tuta mañarca.