OSEAS 2:7 - Dios Rimashcata Quillcashcami

⁷ Paica cuyashcacunata cati rishpapish mana japingachu. Mashcashpapish mana taringachu. Chaimantami paica: «Ñaupa cusapacman cutisha. Paihuanca allimi causarcani, mana cunan punzhapi shinachu carcani» ningami.

OSEAS 2:7 Iomraidhean Croise

2 CRÓNICAS 28:23

Paica, paita llaquipi churashca Damasco pueblopi tiyac dioscunallamanmi animalcunata cushpa huañuchirca. Paica: «Siria llactata jatun mandaccunapac dioscunaca paicunataca ayudarcami. Ñucatapish ayudachun animalcunata paicunaman cushpa huañuchisha» nishpami shina ruhuarca. Ashtahuanpish chai dioscunallatacmi paitapish, tucui israelcunatapish yalli llaquipi churarca.

SALMOS 116:7

Mandac Diosmi ñucamanca allita ruhuarca. Chaimanta ñuca almalla, sumacta samarilla.

ISAÍAS 30:16

Ashtahuanpish cancunaca: «Caballocunapi callpashpa quishpirishunllami» nircanguichicmi. ¡Cancuna nishca shinallatac miticushpa callpanguichicmi! Shinallatac: «Yallita callpac caballocunapimi callpashun» nircanguichicmi. ¡Shina cacpipish, cancunata caticcunaca alli callpac caballocunallapitacmi catinga!

JEREMÍAS 14:22

¿Maijan llacta dioscunamanta maijan tamyachic tiyanchu? Jahua pachapish, ¿pailla tamyata cachai pudinchu? Canca, ¿manachu ñucanchicta Mandac Dios cangui? Can caipi tucui ima tiyaccunata ruhuac cashcamantami canllapi shunguta churanchic» nirca.

JEREMÍAS 2:2

«Jerusalenpi causaccunaman huillashpa, Mandac Diosca: “Ñucaca canta yuyarinimi. Cunan huiñai cashpaca, allimi cazurcangui. Cunanlla cazarashca shinami, ñucata cuyarcangui. Chaimantami ima mana pucuc shitashca pambatapish ñucata catimurcangui.

JEREMÍAS 2:28

Judá llactapi causaccunalla, cancunaca achca dioscunatami charinguichic. ¿Chai dioscunaca maipitacyari? ¡Llaqui punzhacunapi, quishpichingapac jatarichun!

JEREMÍAS 2:36

¿Ima nishpatac ñanpi caiman chaiman callpacunguiyari? Asiria llactata jatun mandac pingaichishca shinallatacmi Egipto llactata jatun mandacpish cantaca pingaichinga.

JEREMÍAS 3:1

Mandac Diosca: “Maijanpish paipac huarmita shitacpi, chai huarmi paipacmanta rishpa, shuc carihuan tandaricpica, ¿punta cusaca chai huarmihuan cutin tandari pudingachu? Cutin tandarishpaca, tucui llactatami mapayachin. Canca achca caricunahuanmi chayarinacushpa causarcangui. Chashna cacpipish, ñucapacman cutimui” ninimi.

JEREMÍAS 31:18

Efraín llactataca: “Canmi ñucata macashpa llaquichircangui. Piña huagrata shinami llaquichichun cacharcangui. Cambacman ñucaca cutisha ninimi. Canmi ñuca Mandac Dios cangui.

JEREMÍAS 31:32

Cai ari nishcaca mana paicunapac taitacunata Egiptomanta maquimanta aisashpa, llucchicui punzhapi shinachu canga. Chai ari nishcataca ñuca paicunapac cusa cacpipish, yangapi churashpami mana cazurca.

JEREMÍAS 44:17

Ashtahuanpish ñucanchic shimihuan imata nishcatami ruhuashpa causashun. Ñucanchic ñaupa taitacunapish, jatun mandaccunapish, shuctac mandaccunapish, Judá llactacunapi, Jerusalén plazacunapimi jahua pacha jatun mandac huarmi diosman inciensota rupachic carcanchic. Vinotapish tallishpami cuc carcanchic. Chashna ruhuashpami achca granota pucuchic carcanchic. Ima llaquipish mana causarcanchicchu.

EZEQUIEL 16:18

Cambac sumac churanacunatami chaicunaman churachircangui. Ñuca aceitetapish, ñuca inciensotapish, paicunapac ñaupapimi churarcangui.

EZEQUIEL 16:8

Cutinllatac cambac ladota pasacushpami, cantaca ña cuyanalla huarmi cashcata ricurcani. Ñuca churanahuanmi cambac lluchulla cuerpota tapachircani. Chashna ruhuashpami, canhuanca ari ninacurcani. Canca ñucapacllami tucurcangui. Chaitaca Mandac Dios ñucami nini.

EZEQUIEL 20:32

Cancunaca: ‘Shuctac llactapi causaccuna shina, shuctac gentecuna shina caspimanta, rumimanta ruhuashca dioscunata servishpa causashunchic’ ninguichicmi. Cancuna yuyashcaca mana pactangachu.

EZEQUIEL 23:12

Asiriocunatami yallita munarca. Chashnami chai mandaccunatapish, soldadocunata mandaccunatapish munarca. Paicunaca alli churanata churarishca, macanacunata yachac, caballopi ric alaja mosocunami carca.

EZEQUIEL 23:22

Chaimantami Mandac Dios ñucaca Oholibataca: “Riqui, can millanayachingacaman huainayashca gentecunallatatacmi tucui ladomanta canta llaquichichun cachasha.

EZEQUIEL 23:4

Punta ñañaca Ohola, quipa ñañaca Oholibami carca. Paicunaca ñuca huarmicunami carca. Chaimantami churicunatapish, ushicunatapish ñucaman curcacuna. Oholaca Samariatami ricuchin, Oholibaca Jerusalentami ricuchin.

DANIEL 4:17

Angelcunaca cai pacha runacunapac llactataca jahua pacha Dios mandacushcata, chai mandanata pai piman cusha nishpaca cuclla cashcatapish, tucuimanta yalli yangalla runata mandanapi churac cashcata causaita chariccuna yachachunmi chashna mandashpa huillarca’ nirca.

DANIEL 4:25

Cantaca gentecunapuramantami llucchishpa cachanga. Chaimantami canca animalcunahuan pacta causangui. Huagraman shinami quihuata caranga. Jahua pachamanta tamya urmashpami canta jucuchinga. Chashnami canca cai pacha mandaccunataca jahua pacha Dios mandac cashcata, shinallatac cai pacha llactacunata mandanata piman cusha nishpaca cuclla cashcata yachangacaman canchis huatata chashna causangui.

DANIEL 4:32

Gentecunapuramanta llucchishpa cachacpimi, sacha animalcunahuan pacta causangui. Huagraman shinami quihuata caranga. Cai pacha mandaccunataca jahua pacha Dios mandacushcata, cai pacha mandanataca piman cusha nishpapish cuclla cashcata yachangacamanmi canchis huatata chashna causangui» nirca.

DANIEL 5:21

Chaimantami gentecunapuramanta anchuchishca carca. Animalcuna shina yuyashpami, sacha burrocunahuan causarca. Huagraman shinami quihuata cararca. Paipac cuerpotaca jahua pachamanta tamya urmashpami jucuchirca. Runacuna mandana llactata jahua pacha Dios Mandac cashcata, shinallatac cai pacha mandanata maijanman cusha nishpaca cuc cashcata yachangacamanmi chashna causanga.

OSEAS 1:2

Mandac Dios Oseasman huillai callarishpaca: «Israel llactapi causaccunaca huainayac huarmi shinami ñucata saquishcacuna. Chaimanta huainayac huarmihuan cazarashpa, chai huarmipi huahuacunata charigri» nirca.

OSEAS 13:6

Ñucami cancunaman mana nicta cararcani. Chashna micushpami shungupi jatun tucushpa ñucataca cungarircanguichic.

OSEAS 14:1

¡Israelcunalla, cancunata Mandac Diospacman cutirichicyari! ¡Cancunaca juchallishcamantami urmashcanguichic!

OSEAS 2:16

Chai punzhapica “Ñuca cusa” ningami. Mana ashtahuan: “Ñuca Baal” ningachu.

OSEAS 5:13

Efraín ailluca ungüihuanmi llaquichishca canga. Judá llactapi causaccunataca sisu ungüimi tucuchinga. Chaimantami Efraín ailluca Asiria llactata jatun mandac Jarebman huillachun cachanga. Shina ricpipish, sisu ungüitaca mana jambingachu.

OSEAS 5:15

Paicunallatac juchata ruhuashcata yuyarishpa, ñucapacman cutingacamanmi ñuca causacushcaman risha. Paicunaca llaquirishpami, ñucataca mashcangacuna» ninmi.