OSEAS 2:5 - Dios Rimashcata Quillcashcami

⁵ Paicunapac mamaca huainayarcami. Paicunata sajuaricca pingaitami ruhuarca. Paica: “Ñuca cuyashcacunatami catisha. Paicunaca micunatapish, yacutapish, millmatapish, linotapish, aceitetapish, ima ubianacunatapish cunmi” nircami.

OSEAS 2:5 Iomraidhean Croise

ISAÍAS 1:21

Diosta alli cazuc llactalla, ¿ima nishpatac cullquimanta huainayac huarmi shina, tucurcanguiyari? Chaipica tucuimi cashcata ruhuaccuna, imatapish allita ruhuaccuna causarca. ¡Ashtahuanpish cunanca huañuchiccunallami causan!

ISAÍAS 50:1

Mandac Diosca: «¿Maipitac cancunapac mama shina, Israel llactata shitashcata ricuchic quillcaca? Mana cashpaca, ¿pimantac debimanta caturcani? Riquichic, cancuna mana allita ruhuashcamantami catushca carcanguichic. Cancunallatac mana cazushcamantami cancunapac mama shina, llactaca millana tucushca.

JEREMÍAS 11:13

Judá llactapi causaccunalla, cancunapac llactapi mashna llactacuna tiyashca shinallatacmi dioscunata charinguichic. Jerusalenpi causaccunalla, chaipi mashna callecuna tiyashca shinallatacmi Baal diosman inciensota cushnichina altarcunata shayachircanguichic.

JEREMÍAS 13:22

Cambac shungupica: “¿Imamantatac cai llaquicunaca japinyari?” ninguipishchari. Chaica, can yallita juchallishcamantami japirishpa, churanata llatanashpa, lluchu changata saquic shina ruhuarca.

JEREMÍAS 2:20

Utcamanta pachami yugota paquishpa, coyundatapish pitircangui. Shina ruhuashpaca: “¡Mana servishachu!” nircanguimi. Chashna nishca jahuami lomacunapi, jatun yura ucucunapi huainayac huarmi shina sirirircangui.

JEREMÍAS 6:8

Jerusalenpi causaccunalla, cancunamanta ñuca ama caruyachunca, mana allita ruhuanata saquishpa, allita ruhuaichicyari. Cai llactapipish mana causana, shitashca pamba shina, ama saquirichunca allita ruhuashpa causaichicyari» nishpami mandan.

EZEQUIEL 16:35

Huainayac huarmi, Mandac Dios rimashcata uyai.

EZEQUIEL 16:39

Cantaca paicunapac maquipimi churasha. Paicunami yanga dioscunatapish, alli nina lomacunatapish, altarcunatapish urmachishpa, cambac churanacunatapish, cambac ima alajacunatapish quichushpa, lluchullata saquinga.

EZEQUIEL 16:4

Can huacharishca punzhapica mana puputa pitircachu, mana armachircachu, mana cachihuan cahuircachu, mana anacuchircachu.

OSEAS 1:2

Mandac Dios Oseasman huillai callarishpaca: «Israel llactapi causaccunaca huainayac huarmi shinami ñucata saquishcacuna. Chaimanta huainayac huarmihuan cazarashpa, chai huarmipi huahuacunata charigri» nirca.

OSEAS 2:2

¡Cancunapac mamataca juchanchichic paita juchanchichic! Paica mana ñuca huarmichu, ñucapish mana paipac cusachu cani. ¡Huainayanata saquichun! ¡Paipac pechomanta cuyashcacunata anchuchichun!

OSEAS 2:8

Paica ñucallatac trigota, llullu vinota, aceiteta cuc cashcataca cungarircami. Ashtahuanpish ñuca cushca cullquita, curitaca Baal diosmanmi curca.

OSEAS 3:1

Mandac Diosca cutin rimashpaca: «Shuc cuyashcata charic huainayac huarmita cuyagri. Paitaca ñuca israelcunata ima shinami cuyani, chashnatac cuyai. Israelcuna shuctac dioscunata mañacucpipish, chaquishca uvas tortata chai dioscunaman cucpipish cuyanimi» nirca.

OSEAS 4:5

Punzha pachami llaquipi urmanguichic. Ñucamanta huillacpish cancunahuanmi llaquipi urmanga. Cancunapac mamapish chingaringami

OSEAS 8:9

Paicunallatacmi Asiria llactaman sacha burro shina huichai rirca. Efraín ailluca cuyashcacunatami alquilarca.

OSEAS 9:10

Mandac Diosca: «Israelcunataca shitashca pambapi uvasta taric shinami tarircani. Paicunapac ñaupa taitacunataca punta pucushca higota shinami ricurcani. Ashtahuanpish paicunaca ñucamanta anchurishpami, Baal-peor diosta mañashpa pingai tucurca. Chai diosta catishpami millana tucurca.

AMÓS 8:13

Chai punzhacunapica carihuan manarac chayarishca sumac solteracunapish, mosocunapish yacunayaihuanmi huañunalla tucunga.

JUECES 16:23

Filisteocunaca Sansonta japishcamanta cushicushpami paicunapac Dagón diosman animalcunata cushpa rupachingapac tandanacurcacuna. Chaipica: «¡Ñucanchic diosca ñucanchicta piñac Sansontami ñucanchic maquipi churashca!» nircacuna.