OSEAS 2:4 - Dios Rimashcata Quillcashcami

⁴ Paicunapac huahuacunaca huainayac huarmipac huahuacunami. Chaimanta paicunatapish mana llaquishachu.

OSEAS 2:4 Iomraidhean Croise

2 REYES 9:22

Joramca Jehuhuan tapushpaca: —Jehú, ¿allipacchu shamungui?— nirca. Shina nicpimi paica: —Cambac mama Jezabel yallita huainayashpa, yallita brujiashpa causacucpica, ¿maitatac allipac shamushayari?— nirca.

ISAÍAS 27:11

Chai ramacuna chaquicpica, paquishpami saquinga. Chaicunataca huarmicunami yantashpa rupachinga. Cai gentecunaca mana entendincunachu. Chaimantami paicunata ruhuac Diosca manatac llaquinga. Paicunata ruhuac Diosca mana llaquishpami llaquichinga.

ISAÍAS 50:1

Mandac Diosca: «¿Maipitac cancunapac mama shina, Israel llactata shitashcata ricuchic quillcaca? Mana cashpaca, ¿pimantac debimanta caturcani? Riquichic, cancuna mana allita ruhuashcamantami catushca carcanguichic. Cancunallatac mana cazushcamantami cancunapac mama shina, llactaca millana tucushca.

ISAÍAS 57:3

¡Cancuna brujacunapac, huainayaccunapac, cullquimanta huainayaccunapac huahua huahuacunalla, ñucapacman cuchuyaichic!

JEREMÍAS 13:14

Paicunataca paicunapura macanacuchishpami llaquichigrini. Taitacunatapish, churicunatapish llaquichigrinimi. Paicunataca mana cuyashachu. Ashtahuanpish mana llaquishpami, tucui tucuchisha” ninmi ningui» nirca.

JEREMÍAS 16:5

Mandac Diosca: «Cai gentecunataca mana llaquinichu, mana cuyanichu. Paicunamantaca cushi causaita anchuchircanimi. Canca chai gentecuna huañushca ucumanpish, duelo churarishcapac huasimanpish ama yaicunguichu. Chaipi huacangapacpish, llaquinacungapacpish ama yaicunguichu.

EZEQUIEL 23:25

Ñuca yallita piñarishpami, cantaca yallita llaquichisha. Chashnami gentecunaca yallita piñarishpa cantaca llaquichinga. Cambac singatapish, ringritapish pitingami. Cutin cambac huahua huahuacunataca espadahuanmi huañuchinga. Cambac cari huahuacunatapish, huarmi huahuacunatapish apangami. Maijan saquirishcacunataca ninami tucuchinga.

EZEQUIEL 8:18

Ñucaca yallita piñarishpami, paicunataca llaquichisha. Manatac perdonashachu, manatac llaquishachu. Ñucata caparishpa mañacucpipish manatac uyashachu» nirca.

EZEQUIEL 9:10

Chaimantami paicuna millaita ruhuashca shinallatac paicunatapish llaquichisha. Manatac perdonashachu, manatac llaquishachu» nirca.

OSEAS 1:2

Mandac Dios Oseasman huillai callarishpaca: «Israel llactapi causaccunaca huainayac huarmi shinami ñucata saquishcacuna. Chaimanta huainayac huarmihuan cazarashpa, chai huarmipi huahuacunata charigri» nirca.

OSEAS 1:6

Chai huarmica cutin huicsayuc tucushpami, shuc huarmi huahuata charirca. Chaimantami Mandac Diosca Oseastaca: «Chai huahuataca Lo-ruhamata shutichi. Chaica, israelcunataca mana ashtahuan llaquishachu, shinallatac mana perdonashachu.

OSEAS 5:7

Paicunaca Mandac Diosta mana cazushpami, shuccunapac huahuacunata charin. Cunanca paicunapish, paicunapac allpapish shuc quillapimi tucuringa.

ZACARÍAS 1:12

Shina nicpimi, Mandac Diospac angelca: —Tucuita Mandac Dioslla, Jerusalenpi, Judá llacta pueblocunapi causaccunahuanca canchis chunga huatacunatami piñashca cangui. ¿Ima horascamantac mana llaquishpa piñacunguilla?— nirca.

SAN JUAN 8:41

Cancunaca cancunapac taita ruhuashcatami ruhuanguichic— nirca. Shina nicpimi paicunaca: —¡Ñucanchicca mana huainapac huahuacunachu canchic, ashtahuanpish shuc taitallatami charinchic! ¡Chaica Diosmi!— nirca.

ROMANOS 11:22

Dios llaquic cashcatapish, llaquichic cashcatapish yachanami cangui. Diosca mana cazuccunataca llaquichishcami. Shina cashpapish cantaca llaquishcami. Diospac cuyaita mana cungarishpaca causanguimi. Mana yuyarishpaca canpish anchuchishcami cangui.

ROMANOS 9:18

Shina cacpica, Diosca maijanta llaquisha nishpaca llaquinllami, maijanta shunguta sinchiyachisha nishpaca sinchiyachinllami.

SANTIAGO 2:13

Shuccunata mana llaquiccunataca, paicunatapish mana llaquishpami, Diosca taripashpa llaquichinga. Ashtahuanpish shuccunata llaquiccunataca, taripana punzhapica alli ningami.