OSEAS 14:3 - Dios Rimashcata Quillcashcami

³ Asiriocunaca ñucanchictaca mana quishpichingachu. Caballocunapipish mana montashunchu. Ñucanchicllatac ruhuashca dioscunataca jaicapi mana: “Caimi ñucanchic diosca” nishunchu. Taita mama illac huahuataca canllami llaquingui» nishpa mañaichicyari.

OSEAS 14:3 Iomraidhean Croise

2 CRÓNICAS 16:7

Chai huatapimi, Dios ricuchishcata huillac Hanani Judá llactata jatun mandac Asapacman shamushpaca: «Canca, canta Mandac Diosta ayudachun mañanapac randica, Siria llacta jatun mandactami ayudai nishpa mañarcangui. Chaimantami Siria llactata jatun mandacpac soldadocunaca cambac maquimanta atishpa rirca.

SALMOS 10:14

Pai yallita llaquichicuctaca canllatacmi ricucungui. Paicuna imata ruhuashca shinallatacmi llaquichingui. Imata mana ruhuai pudiccunaca cambac maquimanmi cuchuyan. Canca taita mama illaccunata ayudacmi cangui.

SALMOS 146:3

Mandaccunapipish, huañuclla runapipish ama shunguta churaichicchu. Paicunaca mana quishpichi pudinchu.

SALMOS 146:9

Mandac Diosca, pozashpalla causaccunata cuidacmi. Taita mama illac huahuacunamanpish, viudacunamanpish caracmi. Shina cashpapish paita mana manchaccunamanta causaita quichunmi.

SALMOS 33:17

Caballocunata charishcapish yangallami. Chai caballocuna manchana fuerzata charicpipish mana mishai pudinchu.

SALMOS 68:5

Paipaclla huasipi tiyacuc Diosca taita mama illac huahuacunapac Taitami. Viudacunapac juezmi can.

ISAÍAS 1:29

Chashna ruhuacpimi, cancunaca encina yuracunata cuyashcamanta pingaichishca canguichic. Cancuna acllashca huertacunatapish burlashpami pingaichinga.

ISAÍAS 2:20

Chai punzhapimi runacunaca paicunallatac adorangapac cullquimanta, curimanta ruhuashca dioscunataca ucuchacuna, mashucuna causachun shitanga.

ISAÍAS 27:9

Chashnami Jacobopac huahuacunapac yalli juchacunataca cungaringa. Paicuna rumimanta ruhuashca altarcunataca cabia rumita shina ñutuchishpa, Asera huarmi diosman riccha caspicunatapish, intiman riccha yanga dioscunatapish urmachishpa, Jacobopac huahuacunapac juchataca perdonanga.

ISAÍAS 30:16

Ashtahuanpish cancunaca: «Caballocunapi callpashpa quishpirishunllami» nircanguichicmi. ¡Cancuna nishca shinallatac miticushpa callpanguichicmi! Shinallatac: «Yallita callpac caballocunapimi callpashun» nircanguichicmi. ¡Shina cacpipish, cancunata caticcunaca alli callpac caballocunallapitacmi catinga!

ISAÍAS 30:2

Ñucaman mana tapushpami, Faraonpac ayudacpi, sinchiyangapac, chaipi causaccunapi llanduric shina, miticungapac Egiptoman urai rincuna.

ISAÍAS 31:1

¡Aij, Egiptopi causaccunata ayudai ningapac urai riccunalla! ¡Aij, caballocunapi ric soldadocunapi, achca carretacunapi, sinchi caballocunapi shunguta churashpa “paicunaca ayudangallami” nishpa yuyaccunalla! Shina yuyacushpapish, israelcunapac jucha illac Diostaca mana yuyarincunachu. Mandac Diospac ayudata mana mañancunachu.

ISAÍAS 31:3

Egipto runacunaca mana dioscunachu. Paicunapac caballocunapish aichallami, mana espirituchu. Mandac Dios maquita alzacpica, ayudaccunapish, ayudachun mañaccunapish tucuimi urmashpa tucuringa.

ISAÍAS 36:8

Cunanca, Asiria llactata jatun mandacman soldadocunata mañai. Can caballocunapi ric soldadocunata cucpica, ishcai huaranga caballocunatami cusha.

JEREMÍAS 49:11

Taita mama illac huahuacunataca saquichiclla, ñucami huiñachisha. Viuda huarmicunapish ñucapi shunguta churachunlla» ninmi.

EZEQUIEL 36:25

Chaipimi chuya yacuhuan cancunapac juchacunata pichashpa, ruhuashcalla dioscunata adorashpa mapayashcatapish chuyayachisha.

EZEQUIEL 37:23

Paicunaca ruhuashcalla dioscunata adorashpapish, millana juchacunata ruhuashpapish, tucuilaya juchacunata ruhuashpapish ña mana ashtahuan mapayangachu. Ashtahuanpish ñucata mana cazushpa, juchallishcataca pichashami. Tucuita pichashpami ñuca acllashcacunata ruhuasha. Ñucaca paicunapac Diosmi casha.

OSEAS 12:1

Efraín ailluca huairata micuc shinami causacun. Punzhantami rupac huairata caticun. Asiriocunahuanmi ari nishca. Egiptomanmi aceiteta apancuna. Llullanapish, macanacuipish yallitami mirarin.

OSEAS 13:2

Cunanpish paicuna munashca shinami cullquita yacuyachishpa, imaman riccha dioscunata, ruhuashcalla dioscunata ruhuashpa yallita juchallincuna. Chashna ruhuashpami: “Cai dioscunaman animalta cushpa huañuchichic” nincuna. Shina nicpica, chai beci dioscunatami gentecunaca muchancuna.

OSEAS 14:8

Efrainca: «Yanga dioscunataca, ¿imapactac catina cani?» ningami. Paicuna mañashcataca uyashami. Paicunapacca ciprés yura shina verdinllami casha. Ñucamantami pucushca granotaca japinga.

OSEAS 2:17

Baal dios nishpa rimanataca cungaringacunami. Chai diostaca mana ashtahuan yuyaringachu.

OSEAS 4:12

Ñuca acllashcacunaca imatapish yachangapacmi paicunapac yanga diosman tapun. Chai caspihuanmi ima tucunata huillasha. Paicunataca huainayana yuyaimi pandachin. Chai shina huainayashpa causangapacmi Mandac Diosmanta anchurin.

OSEAS 5:13

Efraín ailluca ungüihuanmi llaquichishca canga. Judá llactapi causaccunataca sisu ungüimi tucuchinga. Chaimantami Efraín ailluca Asiria llactata jatun mandac Jarebman huillachun cachanga. Shina ricpipish, sisu ungüitaca mana jambingachu.

OSEAS 7:11

Efraín ailluca paloma shinami imatapish mana yachac tucushca. Chaimantami Egiptopi causaccunatapish, Asiria llactapi causaccunatapish ayudachun mañan.

OSEAS 8:6

Cai beci diosca maquillahuan ruhuashcallami. Chaica mana Dioschu. Chaimantami Samariapi tiyac beci diosca ñutuchishca canga.

OSEAS 8:9

Paicunallatacmi Asiria llactaman sacha burro shina huichai rirca. Efraín ailluca cuyashcacunatami alquilarca.

JONÁS 2:10

Mandac Dios challuata Jonasta allpaman llucchichun nicpica, llucchi shitarcallami.

ZACARÍAS 13:2

Tucuita Mandac Diosca: «Chai punzhapica cai llactapi tiyac ruhuashcalla dioscunapac shuticunataca tucuitami anchuchisha. Chai dioscunataca mana ashtahuan yuyaringacunachu. Llulla huillaccunatapish, mapayachic espiritutapish cai llactamanta anchuchishami.

SAN JUAN 14:18

Mana cancunallata saquishachu, cancunapacman cutimushami.

DEUTERONOMIO 17:16

Chai jatun mandacca mana achca caballota charina yuyaita charinachu can. Caballocunata charingaraicu israelcunata Egipto llactaman mana cachanachu can. Mandac Diosca: “Chai llucshishca ñantaca jaicapi mana cutinachu canguichic” nircami.