OSEAS 13:1 - Dios Rimashcata Quillcashcami

¹ Efraín aillu rimaricpica, yallitami mancharic carca. Israel llactapica, alli nishcami carca. Ashtahuanpish Baal diosta mañashpa, juchallishcamantami huañurca.

OSEAS 13:1 Iomraidhean Croise

GÉNESIS 2:17

Ashtahuanpish alli cashcata, mana alli cashcata yachachic yuramantaca ama micunguichu. Ima punzhami chai yuramanta micungui huañunguitacmi» nirca.

1 REYES 12:25

Jeroboamca Efraín urcupi cac Siquem pueblota cutin allichishpami chaipi causai callarirca. Chaimanta llucshishpaca, Penuel pueblotami allichirca.

JOB 29:21

Ñuca rimashcacunatapish, cunashcacunatapish, upallami uyaccuna carca.

JOB 29:22

Ñuca rimacpica pi mana cutichicchu carca. Ñuca yuyaita cushcaca paicunapac yuyaipica allimi carca.

PROVERBIOS 18:12

Manarac llaqui tucushpaca, jatun tucushcami runaca ricurin. Ima allicunata japingapacca Yangalla canami alli.

ISAÍAS 66:2

Tucui caicunataca ñucami ruhuarcani. Chaimantami tucui caicunaca tiyan. Ñucaca shungupi llaquirishpa, ñuca mandashcata manchashpa, causac huaccha gentecunatami alli nishami.

ISAÍAS 7:8

Chaica, Siria llactata mandacca Damascomi. Damascopac mandacca Rezinmi. Sucta chunga pichca huatapica Efrainpac llactaca ña mana llacta saquiringachu.

OSEAS 11:2

Shina llaquishpa cayacucpipish, ñucamantaca ashtahuanmi caruyarca. Baal dioscunamanmi animalta cushpa huañuchirca. Yanga dioscunamanmi inciensota rupachirca.

OSEAS 2:10

Cunanca, pai mana pingac cashcatami paipac cuyashcacunapac ñaupapimi ricuchisha. Ñuca maquimantaca pipish paitaca mana cacharichi pudingachu.

OSEAS 2:8

Paica ñucallatac trigota, llullu vinota, aceiteta cuc cashcataca cungarircami. Ashtahuanpish ñuca cushca cullquita, curitaca Baal diosmanmi curca.

OSEAS 8:4

Paicunaca manapish ñuca acllashca jatun mandaccunatami churarca. Shuctac mandaccunata churashcatapish ñucaca mana yachashcanichu. Paicunallatac llaqui tucungapacmi cullquimanta, curimanta dioscunata ruhuarca.

NÚMEROS 10:22

Chai quipataca Efraín aillupac soldadocunami banderahuan rirca. Paicunataca Amihudpac churi Elisamami mandacurca.

NÚMEROS 13:16

Chaicunami Moisés llactata ricuchun cachashca runacunapac shuticunaca carca. Moisesca Nunpac churi Oseastaca Josuetami shutichirca.

NÚMEROS 13:8

Efrainpac aillumantaca Nunpac churi Oseasmi rirca.

SAN LUCAS 14:11

Maijanpish “allimi cani” nictaca, “mana allichu cangui” ningami. Maijanpish “mana allichu cani” nictaca, “allimi cangui” ningami» nirca.

ROMANOS 5:12

Shuc runallamantami cai pachapica juchaca yaicurca. Chai juchamantami huañuica tiyan. Shinallatac tucui mashna juchallishcamantaca huañunami can.

2 CORINTIOS 5:14

Cristo tucuimanta huañushcata yachashcamanta pachami, paipac cuyaica ñucanchicman yuyaita cun. Cristo huañushcamantami tucui mashna huañushca shina canchic.

JOSUÉ 3:7

Chashna nishca quipami Mandac Diosca Josuetaca: «Cunan punzhamanta pachami cantaca israelcunapac ñaupapi jatunyachigrini. Chashna ruhuacpimi, Moises-huan ima shinami carcani, chashnallatac canhuanpish, cashcata yachangacuna.

JUECES 12:1

Efraín aillucunaca tandanacushpami, Jordán yacuta pasashpa Zafón pambaman chayashpa Jeftetaca: —¿Ima nishpatac amonitacunahuan macanacungapac rishpaca mana ñucanchicta cayashpa rircangui? Chaimantami huasitaca candi rupachigrinchic— nirca.

JUECES 8:1

Efraín aillucuna Gedeonta rimarishpaca: —¿Ima nishpatac madianitacunahuan macanacungapac rishpaca ñucanchicman mana huillac cacharcangui?— nirca. Shina nishpami sinchita rimarirca.

1 SAMUEL 15:17

Shina nicpimi Samuelca: —Can, cambac yuyaipi yanga runami cani yuyacpipish, ¿manachu cantaca Israel aillucunata mandac cachun churarca? Mandac Diosmi cantaca Israel llactata jatun mandac cachun aceitehuan cahuishpa acllarca.