OSEAS 12:3 - Dios Rimashcata Quillcashcami

³ Jacoboca, paipac mamapac huicsamantaca paipac huauquipac chaquipi charirashpami llucshirca. Ña jatunyashpaca, angelhuan macanacushpami misharca.

OSEAS 12:3 Iomraidhean Croise

GÉNESIS 25:26

Chai quipaca Esaupac chaquipi charirashpami, paipac huauquica llucshirca. Paitaca Jacobotami shutichirca. Isaacca paipac huarmi sajuarina punzhapica, sucta chunga huatayucmi carca.

2 REYES 17:18

Chaimantami Mandac Diosca israelcunahuan yallita piñarishpa, paipac ñaupamanta llucchishpa cacharca. Chashna cachacpica, Judá aillullami saquirirca.

2 REYES 17:20

Chaimantami Mandac Diosca israelcunapac tucui huahua huahuacunataca saquirca. Paipac ñaupamanta anchuchingacamanmi shuhuashpa causaccunapac maquipi churashpa llaquichirca.

2 REYES 17:23

Mandac Diosca pai ima nishcata huillac serviccunaman huillachishca shinallatacmi israelcunataca paipac ñaupamanta llucchishpa cacharca. Israelcunaca paicunapac llactamanta Asiria llactaman prezu apacpimi, cunancaman chaipi cancuna.

JEREMÍAS 2:9

Chaimantami ñucaca piñarishpa llaquichigrini. Cancunapac huahuacunapac churicunahuanpish piñarigrinimi. Chaitaca Mandac Dios ñucami nini.

EZEQUIEL 7:3

Cancuna tucurina punzhami ña chayamun. Ñuca yallita piñarishpami cancunata llaquichigrini. Cancuna imata ruhuashcata taripashpami llaquichigrini. Chashnami cancuna imata ruhuashcacunata cancunaman ricuchisha.

EZEQUIEL 7:8

Cunanllatacmi cancunata yallita llaquichishpa, ñuca piñarishcata pasachisha. Cancuna imata ruhuashcata taripashpami, cancuna millaita ruhuashcataca ricuchisha.

OSEAS 4:1

Israelcunalla, Mandac Dios rimashcata uyaichic. Paica cai llactapi causaccunahuan piñarishcami. Cai llactapica cashcata nicpish, Diosta manchacpish, paimanta yachanata munacpish mana tiyanchu.

OSEAS 4:9

Gentecunapish, curacunapish chashnallatacmi can. Paicuna ima shina ruhuashpa causashca shinallatacmi llaquichisha.

AMÓS 2:4

Mandac Diosca: «Judá llactapi causaccunataca, paicuna catipi quimsa cutin, chuscu cutin juchallishcamanta llaquichinata manatac saquishachu. Paicunaca Mandac Dios ñuca mandashcata yangami churashpami, pai yachachishcacunatapish mana cazurca. Paicunapac ñaupa taitacunapac dioscunata catishpami pandarirca.

MIQUEAS 6:2

Urcucunapish, cai pacha callari rumicunapish Mandac Dios ñuca juchanchishpa rimashcata uyaichicyari. Ñucami acllashcacunata juchanchishpa llaquichisha. Israelcunahuan piñarishpami juchanchisha.

ROMANOS 9:11

Chai huahuacuna manarac huacharicpi allitapish, mana allitapish manarac ruhuacpimi, (Diosca mana imata ruhuashcamanta, ashtahuanpish pai munashcamanta acllarca).