OSEAS 12:12 - Dios Rimashcata Quillcashcami

¹² Ashtahuanpish Israel nishca Jacoboca Aram llactamanmi miticushpa rirca. Paica huarmihuan cazarangapacmi ovejacuna michishpa servishpa causarca.

OSEAS 12:12 Iomraidhean Croise

GÉNESIS 27:43

Cunanca ñuca huahualla, ñuca nishcata uyai. Haranpi causac ñuca turi Labanpacman cunanllatac miticushpa ri.

GÉNESIS 30:26

Ñuca huarmicunamantaca ñami canta servishcani. Cunanca ñuca huarmicunatapish, huahuacunatapish apashpa richun saqui. Ñuca ima shina servishcataca canllatac yachanguimi— nirca.

GÉNESIS 31:41

Chashnami ishcai chunga huatata cambac huasipi carcani. Cambac ishcai ushimantaca chunga chuscu huatatami servircani. Animalcunamantaca sucta huatatami servircani. Chunga cutinmi umashpa mana pagarcangui.

OSEAS 4:15

Israelcunalla, cancuna huainayacpipish, Judá llactapi causaccuna mana juchallishpami alli canman. ¡Gilgalmanpish ama yaicuichicchu! Bet-avenmanpish ama huichai richicchu. Shinallatac ama: “¡Mandac Diospac shutipimi ari nini!” ninguichicchu.

OSEAS 6:8

Galaad llactapi causaccunaca huañuchiccuna cashpami, yahuarpi mapayashpa causan.

DEUTERONOMIO 26:5

cancuna Mandac Diospac ñaupapi rimashpaca: “Ñaupa taitaca llaquita puric arameo runami carca. Paica Egipto llactaman rishpami chaipi causarca. Paica ashalla familia cashpapish mirashpa, jatun llacta tucushpami, yalli sinchicuna tucurca.