OSEAS 10:12 - Dios Rimashcata Quillcashcami

¹² Chaimanta cunanca, alli muyuta tarpuc shina cashcata ruhuaichic. Mandac Diospac cuyaitaca cosechac shina japichic. Cunan punzhacunaca Mandac Dios ñucata mashcana punzhacunami. Chaimanta allpata tarpungapac allichichic. Ñuca shamushpa cashcata ruhuanata yachachingacamanmi chashna allichirina canguichic.

OSEAS 10:12 Iomraidhean Croise

SALMOS 105:4

Mandac Diostapish, paipac podertapish mashcaichicyari. Paipac ñahuitaca punzhanta mashcaichicyari.

SALMOS 72:6

Jatun mandacca pitishca quihuapi sumacta tamyashca shinami canga. Garua tamya allpata nuyuchic shinami tucunga.

PROVERBIOS 11:18

Diosta mana manchac runa trabajashpa imata japishcaca yangallami. Ashtahuanpish tarpuc shina cashcata ruhuac runaca mana tucuriclla allicunatami japinga.

PROVERBIOS 18:21

Causanapish, huañunapish callupimi tiyan. Imatapish rimanata munac runaca chaillatatacmi japinga.

ECLESIASTÉS 11:6

Tutamanta muyuta tarpushpaca, chishipish tarpunguilla, ama samaringuichu. Punta tarpushca, mana cashpaca quipa tarpushca, mana cashpaca ishcaita alli canataca mana yachanguichu.

ISAÍAS 30:23

Shina ruhuacpimi, Mandac Diosca cancuna tarpucpipish, chai tarpushcaman tamyata cachanga. Chai tamyahuanmi allpacunaca sumac grano pucunga. Chai punzhapica cancunapac animalcunatapish sumac quihua pambapimi michinguichic.

ISAÍAS 31:1

¡Aij, Egiptopi causaccunata ayudai ningapac urai riccunalla! ¡Aij, caballocunapi ric soldadocunapi, achca carretacunapi, sinchi caballocunapi shunguta churashpa “paicunaca ayudangallami” nishpa yuyaccunalla! Shina yuyacushpapish, israelcunapac jucha illac Diostaca mana yuyarincunachu. Mandac Diospac ayudata mana mañancunachu.

ISAÍAS 32:20

tucui yacu patapi tarpuccuna huagrata, burrota cacharishpa michiccunapish cushicuichicyari.

ISAÍAS 44:3

Ñucami chaquishca pambapi tamyachishpa, jatun yacucunata ruhuasha. Cancunapac huahua huahuacunaman ñuca Espirituta cachashami. Paicunapac huahuacunata bendiciashami.

ISAÍAS 45:8

Jahua pacha, jahuamanta tamyata cachac shina, cashcata ruhuana yuyaita cachaiyari. Puyupish tamyata cachac shina, cashcata ruhuana yuyaita cachaiyari. Allpapish quishpirina tiyachun, cashcata ruhuana yuyai tiyachun pascariyari. Mandac Dios ñucami chaicunataca ruhuarcani.

ISAÍAS 48:18

¡Ñuca mandashcacunata cancuna uyashpa cazucpica, jatun yacu shinami cushi causaica mana tucurinman carca! Cashcata ruhuanaca mama cucha caiman chaiman cuyuric shinami, canman carca.

ISAÍAS 5:6

Shitashca pambatami saquigrini. Mana pucuc ramacunatapish pi mana pitingachu, pi mana jallmangachu. Ashtahuanpish cashacuna, cardos yuracunallami jundanga. Chai chagra jahuapi tamyachichunpish mana puyuta cachashachu.

ISAÍAS 54:14

Cashcata ruhuashpami sinchiyachisha. Ima llaquipish mana japingachu. Ima llaquitapish mana manchashpami causangui. Pipish cambacman mana cuchuyangachu.

ISAÍAS 55:6

¡Mandac Diostaca tarinalla cacpi, mashcaichicyari! ¡Cancunapac ladopi cacpi, cayaichicyari!

JEREMÍAS 50:4

Mandac Diosca: «Chai punzhacunaca israelcunapish, Judá runacunapish tandanacushpami cutinga. Ñucata mashcashpami, quiquin chaquihuan purishpa, huacashpa ñucapacman shamunga.

EZEQUIEL 34:26

Paicunataca muyundi sumac urcucunapimi causachun churasha. Tamyana punzhacunapimi tamyachisha. Chai tamyahuanmi achca allicunata japinga.

OSEAS 12:6

Cancunaca Mandac Diospacman cutirishpa llaquiccunapish, cashcata ruhuaccunapish caichic. Tucui causaipi Mandac Diosllata yuyarishpa causaichic.

OSEAS 14:1

¡Israelcunalla, cancunata Mandac Diospacman cutirichicyari! ¡Cancunaca juchallishcamantami urmashcanguichic!

OSEAS 6:3

Mandac Diosta mashcashpa, paimanta yachacushunchic. Paica tutamanta inti llucshishpa achicyachic shinami ñucanchicpacman shamunga. Punta tamya, quipa tamya allpapi urmac shinami ñucanchicpacman shamunga» nincuna.

OSEAS 8:7

Paicunaca huairata tarpushpaca acapana huairatami cosechanga. Ima cosechanapish mana tiyangachu. Trigopish cutachingapac mana tiyangachu. Trigo pucucpipish, caru llacta runacunami micunga.

AMÓS 5:15

Mana alli ruhuanata millanayachishpa, allita ruhuanata munaichic. Taripashpaca, cashcata ruhuaichic. Chashna ruhuacpi, tucuita Mandac Diosca maijan saquirishca Josepac huahua huahuacunata llaquingapishchari.

AMÓS 5:4

Chashna cacpipish, Mandac Diosca israelcunataca: «Ñucapacman shamuichic, causanguichicmi.

AMÓS 5:6

Mandac Diospacman cuchuyaichic, causanguichicmi. Pacta Josepac huahua huahuacuna shina, ninapi rupanguichicman. Pacta pipish ninata mana huañuchicpi, Bet-el llacta tucui rupanman.

AMÓS 5:8

Pléyades, Orión lucerocunatapish ruhuac Mandac Diospacman cuchuyaichic. Paimi tutataca punzhata, punzhataca amsata ruhuan. Paimi mama cucha yacuta cayashpa, allpapi tallin. ¡Paipac shutica Mandac Diosmi!

SAN LUCAS 13:24

—Quichqui punguta yaicunata yuyaichic. Taucacuna chaita yaicusha nicushpapish, mana yaicui pudingachu.

HECHOS 2:18

Chai punzhacunapica ñucata cazuc caricunamanpish, huarmicunamanpish ñuca Espirituta cachashami. Chashna cachacpica, ñucamanta huillangacunami.

2 CORINTIOS 9:10

Muyutapish tarpuchun cuc, micunatapish carac Diosllatacmi cancunamanca tucui ima illashcataca cunga. Shinallatac cancuna shuccunaman carachunmi allpapipish achcata pucuchinga. Cancuna cashcata ruhuashcaca mirachishcami canga.

SANTIAGO 3:18

Maijanpish sumac causaita causachun munaccunaca, allita tarpushpa tandac shinami, cashcata ruhuashpa causanata japingacuna.