OSEAS 1:4 - Dios Rimashcata Quillcashcami

⁴ Chaimantami Mandac Diosca Oseastaca: «Chai huahuataca Jezreelta shutichi. Chaica, asha punzhacuna quipaca Jezreel runacunata huañuchishcamantami Jehupac huahua huahuacunataca llaquichisha. Shinallatac israelcunata mandaccunatapish tucuchishami.

OSEAS 1:4 Iomraidhean Croise

2 REYES 10:1

Acabca Samaria pueblopica canchis chunga churitami charirca. Chaimantami Jehuca Jezreel pueblota mandaccunaman, pushac yuyaccunaman, Acabpac churicunata yachachiccunaman quillcashpa, Samaria puebloman cacharca. Chai quillcapica:

2 REYES 10:17

Jehú Samaria puebloman chayashpaca, Mandac Dios Eliasman huillashca shinami, chai pueblopi saquirishca Acabpac huasi ucupuracunataca tucui huañuchirca.

2 REYES 15:29

Israel llactata jatun mandac Peka mandacui punzhacunami asiriocunata jatun mandac Tiglat-pileser shamushpa, Ijón, Abel-bet-maaca, Janoa, Cedes, Hazor, Galaad, Galilea pueblocunata shinallatac Neftalí tucui llactacunata quichushpa, chaipi causaccunatapish prezu aparca.

2 REYES 15:8

Judá llactata jatun mandac Azarías quimsa chunga pusac huatata mandacucpimi, Jeroboampac churi Zacariasca mandai callarirca. Paica sucta quillatami Samaria pueblopi mandarca.

ISAÍAS 7:14

Cunanca, Mandac Diosllatacmi shuc señalta ricuchigrin. Carihuan manarac chayarishca solterami huicsayuc tucushpa shuc cari huahuata charinga. Chai huahuataca Emanueltami shutichinga.

ISAÍAS 8:3

Quipami Dios ima nishcata huillac ñuca huarmipi chayarircani. Paica huicsayuc tucushpami shuc cari huahuata charirca. Shina charicpimi, Mandac Diosca: «Cai huahuataca Maher-salal-has-bazta shutichi.

ISAÍAS 9:6

Shuc cari huahuami huacharishca. Shuc churitami ñucanchicman cushca. Mandanaca paipac maquipimi. Paipac shutica “Mancharina cunac”, “Imatapish ruhuac Dios”, “Huiñaita causac Taita”, “Cushi causaita cucmi” canga.

JEREMÍAS 20:3

Chai cayandi punzhami Pasurca Jeremiastaca chaquita canichina jutcucunamanta llucchirca. Chashna llucchicpimi Jeremiasca: «Mandac Diosca cantaca mana Pasur ninchu. Ashtahuanpish Magor-misabibtami shutichishca.

JEREMÍAS 23:2

Chaimantami israelcunata Mandac Diosca ñuca llactamanta gentecunata michiccunataca: «Cancunaca, ñuca ovejacunata cuidanapac randica, manchachishpami caita chaita cachanguichic. Uyaichic, cancuna mana allita ruhuashcamantami llaquichigrini,

JEREMÍAS 3:8

Chai mana cazuc Israel huainayac shina juchallishcamantami raquirina cartata quillcashpa curcani. Shina ruhuacpipish, mana cazuc ñaña Judaca mana manchashpami, huainayac shina, juchallingapac rirca.

EZEQUIEL 23:10

Paicunami pingaichishpa, paipac cari huahuacunatapish, huarmi huahuacunatapish quichushpa, paitaca espadahuan huañuchirca. Paica sumac huarmimi carca. Shina cashpapish burlashpa asina huarmimi tucurca.

EZEQUIEL 23:31

Cambac ñaña shinallatacmi mana allita ruhuashpa causarcangui. Chaimantami cambac ñañaman cushca ubiana shina llaquillatatac canmanca cusha.

OSEAS 1:6

Chai huarmica cutin huicsayuc tucushpami, shuc huarmi huahuata charirca. Chaimantami Mandac Diosca Oseastaca: «Chai huahuataca Lo-ruhamata shutichi. Chaica, israelcunataca mana ashtahuan llaquishachu, shinallatac mana perdonashachu.

OSEAS 1:9

Chaimantami Mandac Diosca Oseastaca: «Chai huahuataca Lo-ammita shutichi. Chaica, cancunaca mana ñuca acllashcacunachu canguichic. Ñucapish mana cancunapac Mandac Dioschu cani» nirca.

OSEAS 2:13

Baal diosman fiestata ruhuashpa, inciensota rupachishpa, alli ricuringapac zarcillocunata, sumac huallcacunata churarishpa, paipac cuyaccunata catishpa, ñucata cungarishcamantami chashna llaquichisha. Chaitaca Mandac Dios ñucami nini.

OSEAS 2:22

Chaimantami allpapica trigopish, uvaspish, olivospish pucunga. Tucui chai granocunaca Jezreelpacmi canga.

OSEAS 9:17

Ñuca Mandac Diosca paita mana cazushcamantami mana ricunayachirca. Chaimantami paicunaca shuctac llactacunapica chingarishpa puricunga.

AMÓS 9:8

Mandac Diosca: «Juchayuc llactataca piñacunimi. Chaimantami cai llactapi causaccunataca llaquinayaita llaquichishpa tucuchisha. Shina llaquichishpapish, Jacobopac huahua huahuacunataca mana tucui tucuchishachu.

SAN MATEO 1:21

Paica shuc cari huahuatami charinga. Chai huahuataca JESÚS shutitami shutichingui. Paimi pai acllashcacunataca juchacunamanta quishpichinga. Chaimantami chai shutica canga» nirca.

SAN LUCAS 1:13

Ashtahuanpish angelca: —Zacarías, Diosca can mañashcata uyashcami. Ama mancharichu. Cambac huarmi Elisabetca cari huahuatami charinga. Chai huahuataca Juantami shutichingui.

SAN LUCAS 1:31

Canca huicsayuc tucushpami, shuc cari huahuata charingui. Chai huahuataca JESUSTAMI shutichingui.

SAN LUCAS 1:63

Shina tapucpimi, taita Zacariasca uchilla tablata mañashpa: “Juan shutimi canga” nishpa quillcarca. Chaimantami tucui gentecuna mancharirca.

SAN JUAN 1:42

Andresmi Simontaca Jesuspacman pusharca. Chashna pushacpi, Jesús Simonta ricushpaca: —Juanpac churi Simonmi cangui. Cunanmantaca Cefas shutimi cangui— nirca. (“Cefas” nishpaca, “Pedro” nisha ninmi).

JOSUÉ 19:18

Paicunapac pueblocunaca: Jezreel, Quesulot, Sunem,