OSEAS 1:1 - Dios Rimashcata Quillcashcami

¹ Judá llactataca jatun mandac Uzías, Jotam, Acaz, Ezequías mandacucpi, cutin Israel llactataca Joaspac churi jatun mandac Jeroboam mandacui punzhacunapimi, Mandac Dios Beripac churi Oseasman huillarca.

OSEAS 1:1 Iomraidhean Croise

2 REYES 13:13

Joás huañushpa paipac ñaupa taitacunahuan tandanacucpica, Jeroboammi paipac mandashpa tiyarinapi tiyarirca. Joastaca Israel llactata jatun mandaccunata enterrashcallapitacmi Samaria pueblopi enterrarca.

2 REYES 14:16

Joás huañushpa, paipac ñaupa taitacunahuan tandanacugricpica, Israel llactata jatun mandaccunata enterrashcallapitacmi Samaria pueblopi enterrarca. Paipac randica paipac churi Jeroboammi mandarca.

2 REYES 14:23

Judá llactata jatun mandac Joaspac churi Amasías chunga pichca huatata mandacucpimi, Joaspac churi Jeroboamca Israel llactata mandai callarirca. Paica chuscu chunga shuc huatatami Samaria pueblopi mandarca.

2 REYES 15:32

Remaliaspac churi Peka ishcai huatata Israel llactata mandacucpimi, Uziaspac churi Jotamca Judá llactata mandai callarirca.

2 REYES 15:5

Mandac Dios jatun mandacta llaquichicpimi, paica huañuna punzhacaman lepra ungüihuan huasipi chicanyachishca causarca. Mandana huasipica jatun mandacpac churi Jotammi gentecunata mandacurca.

2 REYES 15:7

Azarías huañushpa, paipac ñaupa taitacunahuan tandanacugricpica, paipac ñaupa taitacunata enterrashcallapitacmi Davidpac pueblopi enterrarca. Paipac churi Jotammi paipac randi mandarca.

2 CRÓNICAS 27:1

Jotamca ishcai chunga pichca huatata charishpami mandai callarirca. Paica chunga sucta huatatami Jerusalenpi mandarca. Paipac mamaca Sadocpac ushi Jerusami carca.

2 CRÓNICAS 28:1

Acazca ishcai chunga huatata charishpami, mandai callarirca. Paica chunga sucta huatatami Jerusalenpi mandarca. Mandac Diospac ñaupapica mana paipac taita David shina allita ruhuashpachu causarca.

2 CRÓNICAS 29:33

Ofrendacunaca sucta patsac huagra, quimsa huaranga ovejami carca.

ISAÍAS 1:1

Isaiasca Amozpac churimi carca. Paica jatun mandac Uzías, Acaz, Ezequías Judá llactata mandacui huatacunapimi Judá llactapish, Jerusalenpish ima tucunata muscuipi shina ricushcata huillarca.

ISAÍAS 7:1

Uziaspac churi, Jotampac churi, Acaz mandacui punzhacunapimi Remaliaspac churi jatun mandac Pekaca Israel llactata mandacurca. Paimi Siria llactata jatun mandac Rezinhuan tandanacushpa, Jerusalenpi causaccunahuan macanacungapac huichai rirca. Chashna rishpapish Jerusalentaca mana japi pudircachu.

JEREMÍAS 1:2

Amonpac churi jatun mandac Josías Judá llactata chunga quimsa huatata mandacucpimi, Mandac Diosca Jeremiasman huillarca.

JEREMÍAS 1:4

Mandac Dios ñucata rimashpaca:

EZEQUIEL 1:3

Chaipimi Mandac Diosca caldeocunapac llactapi cac Quebar yacu patapi ñucaman huillarca. Ñucaca Buzipac churi Ezequielmi cani. Chaipimi Mandac Diosca ñucata rimarca.

JOEL 1:1

Mandac Diosmi Petuelpac churi Joelta rimarca.

AMÓS 1:1

Judá llactata jatun mandac Uzías mandacucpi, Israel llactataca Joaspac churi Jeroboam mandacucpi, allpa chucchungapac ishcai huata tiyacpiracmi Mandac Diosca israelcuna ima tucunata Tecoamanta ovejacunata michic Amosman huillachirca.

JONÁS 1:1

Mandac Dios Amitaipac churi Jonasta rimashpaca:

MIQUEAS 1:1

Jatun mandac Jotam, Acaz, Ezequías Judá llactata mandacui punzhacunapimi Mandac Diosca Moreset llactamanta Miqueasman Samaria llactatapish, Jerusalentapish llaquichinamanta muscuipi shina huillarca.

ZACARÍAS 1:1

Jatun mandac Darío Persia llactata ishcai huata, pusac quillata mandacucpi, Mandac Dios Berequiaspac churi, Iddopac nieto Zacariasman huillashpaca:

SAN JUAN 10:35

Dios quillcachishcataca mana llullanchu. Chaitaca yachanguichicmi. Diosca pai rimashcata uyaccunataca “cancunami dioscuna canguichic” nircami.

ROMANOS 9:25

Dios ima nishcata huillac Oseas quillcashpaca: «Mana ñuca cuyashca gentecunatami “ñucapacmi” nisha. Mana ñuca cuyashcacuna cacpipish, “ñuca cuyashcacunami” nishami.

2 PEDRO 1:21

Diosmanta ñaupa huillaccunaca jaicapi quiquin yuyashca shinaca mana huillarcacunachu, ashtahuanpish Diospaclla cashcamantami Diospac Espiritullatac paicunata yuyaita cucpi rimarcacuna.