NÚMEROS 9:14 - Dios Rimashcata Quillcashcami

¹⁴ Cancunahuan causac shuctac llactata runacunapish Mandac Dios ñucata yuyarishpa, Pascuata ruhuashpaca ima shina mandashca shinami ruhuana can. Chai quillcashpa mandashcacunallatatacmi cancunahuan causac shuctac runacunapish, quiquin llactamanta caccunapish ruhuana can” ningui— nirca.

NÚMEROS 9:14 Iomraidhean Croise

ESDRAS 6:21

Chai Pascua punzhapica prezu apashcamanta cutimushca israelcunaca Diosta mashcangapac chai llactapi causac mapa gentecunamanta anchurishca gentecunahuanmi tandanacushpa micurca.

ÉXODO 12:43

Mandac Dios Moisestapish, Aarontapish rimashpaca: —Pascua punzhataca cashnami ruhuana canguichic. Pascua micuitaca shuctac llactamanta caccunaca mana micunachu can.

ÉXODO 12:47

Tucui tandanacushca israelcunami caitaca ruhuanga.

LEVÍTICO 19:10

Uvasta pallashpapish ama tucui pallanguichu. Pambapi urmashcatapish ama murunguichu. Chaicunataca huacchacunapish, caru llactamanta shamushcacunapish tandachun saquingui. Ñucami cancunata Mandac Dios cani.

LEVÍTICO 22:25

Shuctac llacta runa chaicunata Mandac Diosman ñucaman cusha nicpipish ama chasquinguichicchu. Chaicunaca mana alli animalchu. Chaitaca ñucaca mana chasquishachu” ningui» nirca.

LEVÍTICO 24:22

Chai mandashcallatacmi israelcunapacpish, shuctac llacta gentecunapacpish canga. Ñucami cancunata Mandac Dios cani” ningui» nirca.

LEVÍTICO 25:15

Cacharirishpa cushicuna huatamanta mashna huata cashcata yupashpa paganguichic. Shinallatac catucpish, mashna huatahuan tarpuna cashcata yupashpami catuna can.

NÚMEROS 15:15

Cancunapish, shuctac llactamanta shamushpa, cancunahuan causaccunapish cai mandashcallatatacmi ruhuana canguichic. Cai mandashcaca huiñaitami cancunapacpish, cancunapac huahuacunapacpish canga. Shuctac llactamanta shamushca runapish cancuna shinallatacmi Mandac Dios ñucapac ñaupapi ruhuana can.

NÚMEROS 15:16

Cai mandashcallatatacmi cancunapish, caru llactamanta shamushpa, cancunahuan causaccunapish pactachina canguichic” ninmi ningui» nirca.

DEUTERONOMIO 29:11

Cancunapac huahuacunapish, huarmicunapish, cancunahuan causac caru llacta runacunapish, yantata piticcunapish, yacuta ashtaccunapish caipimi canguichic.

DEUTERONOMIO 31:12

Caicunata uyashpa, yachacushpa Mandac Diosta manchachun, mandashcacunata quillcashca libropi tucui nishcacunata cazuchunmi caricunatapish, huarmicunatapish, huahuacunatapish, cancunahuan causac caru llacta runacunatapishmi tucuita tandachina canguichic.