NÚMEROS 8:8 - Dios Rimashcata Quillcashcami

⁸ Chaimantaca shuc huagratapish, alli harinatapish aceitehuan masashpami apamuna can. Juchata pichachunca shuc huagratami apamuna can.

NÚMEROS 8:8 Iomraidhean Croise

ÉXODO 29:1

Ñucapaclla chicanyachishca cura cangapacca caicunatami ruhuana cangui: Ima mana tucushca shuc becita, ishcai cari ovejata,

ÉXODO 29:3

Chaicunataca shuc uchilla tazapi churashpa, ishcai cari ovejahuan, becihuan apamungui.

ISAÍAS 53:10

Chaica, Mandac Diosmi paita llaquichinata munarca. Ñucanchic juchacunamanta animalta tucui rupachic shina, pai tucushcataca quipa miraicuna ricungami. Shinallatac unaitami causanga. Mandac Dios munashca shinami causanga.

LEVÍTICO 1:3

Tucui rupachina beci cacpica, imapish mana tucushca cari becitami Mandac Dios-huan tupana huasi yaicunapi rupachina can. Chaipimi Mandac Diosca chashquinga.

LEVÍTICO 16:3

Aaronca ñucapaclla chicanyachishca ucumanca juchata pichachun cungapacca shuc becita, tucui rupachingapacca shuc cari ovejatami apashca yaicuna can.

LEVÍTICO 2:1

Maijanpish grano ofrendata Mandac Diosman cushpaca, ashtahuan alli harinapi aceitetapish, inciensotapish churashpami apamuna can.

LEVÍTICO 4:14

Chai jucha yacharicpica, shuc becitami Dios-huan tupana huasi yaicunaman apamuna can.

LEVÍTICO 4:3

Aceitehuan cahuishca cura juchallishpa, tucui israelcunata juchayucta ruhuashpaca, ima mana tucushca becitami chai juchata pichachun Mandac Diosman cuna can.

LEVÍTICO 8:2

«Aarontapish, paipac churicunatapish pushamui. Shinallatac curacunapac churanatapish, cahuina aceitetapish, becitapish, ishcai cari ovejatapish, uchilla taza levadura illac tandatapish apamui.

ROMANOS 8:3

Runaca aichayuc cashcamantami Moisés mandashcacunataca maita mana pactachi pudirca. Chaimantami Diosca paipac shuclla Churita, runa shina aichayuc tucushpa, runacunapac juchacunamanta llaquita huañuchun cacharca. Chai shina ruhuashpami, gentecunapi tiyac juchataca tucui chingachirca.

2 CORINTIOS 5:21

Cristo mana juchayuc cacpipish, Diosca ñucanchic juchacunamantami llaquita apachun curca. Shina cacpica, Jesusmantami Dios-huan alli tucunchic.