NÚMEROS 8:19 - Dios Rimashcata Quillcashcami

¹⁹ Ñucami levitacunataca israelpuramanta acllashpa, Aaronman, paipac churicunaman ñucahuan tupana huasipi israelcunapac randi servichun curcani. Paicunaca israelcuna ñucapaclla ucuman yaicushpa, llaquita apanatami jarcanga» nirca.

NÚMEROS 8:19 Iomraidhean Croise

ÉXODO 12:50

Israelcunaca Mandac Dios Moisestapish, Aarontapish mandashca shinallatacmi tucuita ruhuarca.

NÚMEROS 1:50

Chaipac randica mandashcacunata huacaichishca ñucahuan tupana ucutapish, tucui chaipi tiyaccunatapish ricuchun churangui. Paicunami ñucahuan tupana huasitapish, chaipi imalla tiyaccunandi apanga. Chashnami carpa huasipi servishpa, chai muyundipi causanga.

NÚMEROS 1:53

Shina cacpipish, levitacunaca mandashcacunata huacaichishca ñucahuan tupana huasi muyundipimi causanga. Ñucahuan tupana huasita levitacuna cuidacucpimi, israelcunahuanca ñucaca mana piñarisha» nirca.

NÚMEROS 16:46

Chai quipami Moisesca Aarontaca: «Inciensota rupachinata apashpa, altarmanta ninata japishpa, inciensota churai. Shina churashpaca, utca israelcunapacman rishpa, paicunapac juchata pichachun mañai. Mandac Diosca yallita piñarishcami. Gentecunaca huañushpa tucurigrinmi» nirca.

NÚMEROS 8:18

Levitacunataca tucui israelcunapac punta churicunapac randimi acllarcani.

NÚMEROS 8:20

Moisespish, Aaronpish, tandanacushca israelcunapish Mandac Dios levitacunata imata ruhuachichun Moisesta mandashca shinallatacmi ruhuarca.

1 SAMUEL 6:19

Diosca Bet-semes pueblopi causaccunataca Mandac Diospac Arcata pascashpa ricushcamantami, canchis chunga runacunata huañuchirca. Chashna achcacunata huañuchicpimi, chai pueblopi causaccunaca yallita llaquirishpa huacarca.