NÚMEROS 8:12 - Dios Rimashcata Quillcashcami

¹² Chai quipami levitacunaca becicunapac uma jahuapi maquita churanga. Chashna churacpica, shuc becitaca juchata pichachun, shuctaca levitacuna jucha illac saquirichun, ñucaman cushpa tucui rupachingui.

NÚMEROS 8:12 Iomraidhean Croise

ÉXODO 29:10

Chaimantaca becita ñucahuan tupana huasi ñaupaman apamungui. Chaipimi Aaronpish, paipac churicunapish becipac umapi maquita churanga.

LEVÍTICO 1:4

Chai animalpac umapi maquita churashpami huañuchina can. Chashna ruhuacpimi, Mandac Diosca juchacunata pichanga.

LEVÍTICO 14:22

Ishcai urpita, mana cashpaca ishcai huahua palomatami, imata cashpapish pai cui pudishcallata apamunga. Chaicunataca shuctaca juchata pichachun, shuctaca tucui rupachingapacmi apamunga.

LEVÍTICO 16:11

Aaronca paipac juchamantapish, paipac familiapac juchamantapish Diosman cungapacmi becita apamuna can. Chashnami becitaca juchata pichachun huañuchinga.

LEVÍTICO 16:21

Chai chivopac uma jahuapi maquita churashpami, tucui israelcuna juchallishcatapish, millaita ruhuashcapish huillanga. Chashnami chivopac uma jahuapi juchacunata churashpa, shitashca pambapi cacharichun, chaipac acllashca runata cachanga.

LEVÍTICO 16:6

Quipaca Aaronca paipac juchata, paipac familiapac juchata pichachun cungapacmi shuc becita apamunga.

LEVÍTICO 4:15

Chaitaca israelcunata pushac yuyaccunami chai becipac umapi maquita churashpa, Mandac Diospac ñaupapi huañuchinga.

LEVÍTICO 4:20

Juchamanta cushca becita shinallatacmi chai becitapish rupachinga. Chashna ruhuacpimi, Mandac Diosca paicunapac juchacunataca perdonanga.

LEVÍTICO 4:35

Chaitapish Dios-huan alli tucungapac cushca animalmanta huirata llucchishca shinallatacmi curaca llucchishpa, rupachina altarpi rupachinga. Chashna rupachicpimi, Mandac Diosca juchataca perdonanga.

LEVÍTICO 4:4

Chai becitaca Dios-huan tupana huasi yaicunapi Mandac Diospac ñaupapimi maquita becipac umapi churashpa huañuchinga.

LEVÍTICO 5:7

Mana malta ovejata, mana cashpaca malta chivota charishpaca, ishcai urpita, mana cashpaca ishcai llulla palomatami cuna can. Chaicunamanta shucca juchata Dios pichachun cungapac, shucca tucui rupachingapacmi canga.

LEVÍTICO 8:14

Moisesca juchata pichana becita apamuchunmi mandarca. Chai becipac umapi Aaronpish, paipac churicunapish maquita churacpimi,

LEVÍTICO 8:15

Moisesca chai becita huañuchishpa, yahuarpi dedota satishpa, Diosman cushpa rupachina altar gachucunapi cahuishpa, Diospacllata ruhuarca. Puchu yahuartaca altar chaquipimi tallirca. Shina tallicpimi, chai altarca Dios-huan alli tucungapac rupachina altar saquirirca.

LEVÍTICO 8:18

Quipaca tucui huañuchina cari ovejatami apamuchun mandarca. Chai animalpac umapimi Aaronpish, paipac churicunapish maquita churarca.

LEVÍTICO 8:34

Cunan ruhuashca shinallatac ruhuachunmi, Mandac Diosca cancunapac juchamanta cuchun mandarca.

LEVÍTICO 9:7

Shinallatac Moisesca Aarontaca: «Mandac Dios mandashca shina altarman cuchuyai. Juchata pichachun Diosman cushcatapish, tucui rupachina animaltapish rupachi. Cambac juchacunatapish, israelcunapac juchacunatapish Dios perdonachu cui. Mandac Dios mandashca shina, israelcuna Diosman cushcatapish rupachi» nirca.

NÚMEROS 6:14

Mandac Diosmanca shuc huatayuc ima mana tucushca cari ovejata tucui rupachichun cunga. Cutin ima mana tucushca shuc huarmi ovejataca juchata pichachun Diosman cungapac, ima mana tucushca cari ovejataca Dios-huan alli tucungapacmi cuna can.

NÚMEROS 6:16

Chaicunataca curami Mandac Diospac ñaupapi juchata pichachun cunga. Chashnallatac Diosman cushca tucui rupachina animaltapish rupachingami.

NÚMEROS 8:13

Chai quipaca Aaronpac, paipac churicunapac ñaupaman levitacunata pushamushpa, Mandac Dios ñucaman ofrendata shina cungui.

NÚMEROS 8:8

Chaimantaca shuc huagratapish, alli harinatapish aceitehuan masashpami apamuna can. Juchata pichachunca shuc huagratami apamuna can.

HEBREOS 9:22

Mandashcapi nishca shinaca, animalpac yahuarmi juchacunata pichana carca. Animalpac yahuarta jichashpallami, juchata perdonana carca.