NÚMEROS 7:84 - Dios Rimashcata Quillcashcami

⁸⁴ Aceitehuan cahuishpa, altarta Diospacllata ruhuashpa, paiman mingana punzhapica Israel aillucunata pushaccunaca caicunatami Diosman cungapac apamurca. Chunga ishcai cullqui platota, chunga ishcai cullqui jarrota, chunga ishcai curi cucharatami apamurca.

NÚMEROS 7:84 Iomraidhean Croise

ÉXODO 25:29

Shinallatac platocunatapish, jarrocunatapish, cucharacunatapish, vasocunatapish, alli curimanta ruhuangui.

NÚMEROS 7:1

Moisesca Dios-huan tupana huasita tucuchishpaca, chaipi tucui tiyashcacunandimi aceitehuan cahuishpa, Diospacllata ruhuarca. Shinallatac altartapish, chaipi tucui tiyaccunatapish aceitehuan cahuishpami, Diospacllata ruhuarca.

NÚMEROS 7:10

Altarta aceitehuan cahuishpa, Diospacllata ruhuai punzhami Israel aillucunaca altarta Diosman mingangapac ofrendata apamurca. Chashnami israelcunata mandaccunaca altar ñaupaman apamurca.

NÚMEROS 7:83

Shinallatac Dios-huan alli tucungapacca ishcai huagrata, pichca cari ovejata, pichca cari chivota, shuc huatayuc pichca cari ovejatami apamurca. Caicunami Enanpac churi Ahirapac ofrendaca carca.

NÚMEROS 7:85

Chai chunga ishcai platocunaca cada platomi patsac quimsa chunga siclosta pezarca. Shinallatac chai chunga ishcai jarrocunapish cada jarromi canchis chunga siclosta pezarca. Tucui caicunata tandachicpica, ishcai huaranga chuscu patsac siclostami pezarca.

HEBREOS 13:10

Ñucanchicca Diosman cushpa, rupachina shuc altartami charinchic. Chai altarmantaca, Dios-huan tupana huasipi servic curacunaca mana micui pudinchu.

APOCALIPSIS 21:14

Chai pueblota jarcac callari pircaca, chunga ishcai rumicuna jahuapimi carca. Chai rumicunapica, Pactalla Ovejapac chunga ishcai acllashca huillaccunapac shuticunami quillcashca carca.