NÚMEROS 7:43 - Dios Rimashcata Quillcashcami

⁴³ Paipac ofrendaca Diospaclla cac ucupi tiyac cullqui valishca shina pezashca patsac quimsa chunga siclosta pezac cullqui plato, canchis chunga siclosta pezac cullqui jarromi carca. Chai ishcaipitacmi alli harinata aceitehuan jundachishca carca.

NÚMEROS 7:43 Iomraidhean Croise

LEVÍTICO 14:10

Pusacniqui punzhapica ima mana tucushca ishcai maltón ovejatapish, shuc huatayuc ima mana tucushca huarmi ovejatapish, sucta kilo chaupi ashtahuan alli harinatapish, aceitehuan masashcata, shuc litromanta quimsapi chaupishca shuc parte aceiteta apamuna can.

LEVÍTICO 2:5

Sartenpi cusashca grano ofrendata Diosman cungapacca alli harinahuan, aceitehuan ruhuashca, levadura illac tandatami apamuna can.

NÚMEROS 7:44

Shinallatac chunga siclosta pezac curi jatun cucharapi inciensota jundachishcatapish apamurcami.

SAN MATEO 14:8

Paipac mama yachachishca cashcamantami, chai huambraca: «Cunanllatac shuc platopi Bautizac Juanpac umata cui» nirca.

HEBREOS 1:9

Canca cashcata ruhuanatami munangui. Mana allita ruhuanataca piñashcanguimi. Chaimantami cambac Dios ñucaca, caishuccunamanta yalli canman cushicuita cungapac canta acllashcani nini” ninmi.

1 JUAN 2:27

Jesucristo cushca Diospac Espirituca cancunapimi causacun. Diospac Espiritullatacmi tucui imatapish yachachicun. Pai yachachishpaca, mana llullashpa chashnatac cashcatami huillan. Chaimanta pi yachachictaca mana mashcanachu canguichic. Diospac Espíritu yachachishca shina, Jesucristohuan shuclla causaichic.