NÚMEROS 7:3 - Dios Rimashcata Quillcashcami

³ Paicunaca carpahuan catashca sucta carretatapish, chunga ishcai huagratapishmi apamurca. Israelcunata pushaccunaca cada ishcai pushacmi shuc carretata, shuc huagrata Mandac Diospac ñaupaman apamurca.

NÚMEROS 7:3 Iomraidhean Croise

GÉNESIS 45:19

Cutin canca: “Paicunapac huahuacunatapish, huarmicunatapish pushamungapac cai Egiptomanta carretacunata apaichic, shinallatac taitatapish caiman pushamuichic.

GÉNESIS 45:21

Chashnami taita Israelpac churicunaca ruhuarca. Joseca Faraón mandashca shinallatacmi carretacunatapish, ñanpi micuna cucayutapish curca.

ESDRAS 2:68

Paicunapac taitacunapac huasi ucupurata maijan mandaccuna Jerusalenpi cac Diospac huasiman chayashpaca, utcapi maipi cashcallapitac Diospac huasita shayachichunmi quiquin munaihuan ofrendata curcacuna.

ÉXODO 25:2

«Israelcunataca ñucaman ofrendata cungapac maijanpish ñucaman tucui shunguhuan cuccunamanta japichun ni.

ISAÍAS 66:20

Paicunami tucui cancunapac huahuacunataca tucui llactamanta pushamunga. Ñucaman cungapacmi caballocunapi, carretacunapi, tuldushca huandunacunapi, mulacunapi, camellocunapi montachishpa, ñucapaclla Jerusalenpi tiyac urcuman pushamunga. Israelcunaca Mandac Dios ñucaman cungapacmi ofrendata mapa illac imapish charinacunapi ñucapac huasiman apamushpa cuc shina, ñuca ñaupapi churanga.

AMÓS 2:13

Ñucaca cancunataca achca gavillata jundachishca carreta saruc shinami sarusha.

NÚMEROS 7:4

Mandac Dios Moisesta rimashpaca: