NÚMEROS 7:14 - Dios Rimashcata Quillcashcami

¹⁴ Shinallatac chunga siclosta pezac curi cucharapi inciensota jundachishcatapish apamurcami.

NÚMEROS 7:14 Iomraidhean Croise

1 REYES 7:50

Shinallatac copacunatapish, pavizata anchuchinacunatapish, incensariocunatapish, ashtahuan alli curicunahuanmi ruhuarca. Diospac huasi ucupi tiyac pungu ladocunata Diospac huasiman yaicuna jatun pungu ladocunatapish curillahuantacmi ruhuarca.

2 CRÓNICAS 24:14

Tucui allichishca quipa, chai puchushca cullquitaca jatun mandacpacman, Joiada curapacmanmi apamurca. Chai cullquihuanca Mandac Diospac huasipi imalla charinacunata, chaipi Diosta servingapac imalla charinacunata, animalcunata Diosman cushpa tucui rupachingapac imalla charinacunatami ruhuachirca. Curimanta, cullquimantami cucharacunatapish, vasocunatapish ruhuachirca. Mandac Diospac huasipica Joiada cura causacuc tucui punzhacunapimi animalcunata Diosman cushpa, tucui rupachic carcacuna.

2 CRÓNICAS 4:22

Shinallatac mechacunata pitinacunatapish, tazoncunatapish, cucharacunatapish, inciensota rupachinacunatapish alli curimantami ruhuarca. Diospaclla chicanyachishca ucuman yaicuna pungucunatapish, Diospac huasi ucuman yaicuna pungucunatapish, punta jatun pungutapish curillamantatacmi ruhuarca.

ÉXODO 35:8

Lamparacunapi churana aceitetapish, ñucapaclla chicanyachishca cachun cahuina aceitetapish, inciensota ruhuangapac mishquilla ashnacuctapish apamuichic.

ÉXODO 37:16

Miza jahuapi imalla tiyac lavacaracunatapish, cucharacunatapish, cuchillocunatapish, jatun lavacaracunatapish alli curimantami ruhuarca.

NÚMEROS 4:7

Tandata churana miza jahuapica azul pañota tendishpa, chai jahuapi platocunata, cucharacunata, tallina vinota, vasocunata, jarrocunata, punzhanta ñucapac ñaupapi churana tandatapish churanga.

NÚMEROS 7:13

Paipac ofrendaca Diospaclla ucupi tiyac cullqui valishca shina pezashca patsac quimsa chunga siclosta pezac cullqui plato, canchis chunga siclosta pezac cullqui jarromi carca. Chai ishcaipitacmi alli harinata aceitehuan jundachishca carca.

NÚMEROS 7:15

Shinallatac tucui rupachingapacca shuc becita, shuc cari ovejata, shuc huatayuc cari ovejatami apamurca.

NÚMEROS 7:20

Shinallatac chunga siclosta pezac curi cucharapi inciensota jundachishcatapish apamurcami.

NÚMEROS 7:26

Shinallatac chunga siclosta pezac curi jatun cucharapi inciensota jundachishcatapish apamurcami.