NÚMEROS 7:10 - Dios Rimashcata Quillcashcami

¹⁰ Altarta aceitehuan cahuishpa, Diospacllata ruhuai punzhami Israel aillucunaca altarta Diosman mingangapac ofrendata apamurca. Chashnami israelcunata mandaccunaca altar ñaupaman apamurca.

NÚMEROS 7:10 Iomraidhean Croise

1 REYES 8:63

Mandac Dios-huan alli tucungapacmi Salonmanca ishcai chunga ishcai huaranga huagracunata, patsac ishcai chunga huaranga ovejacunata Diosman cushpa huañuchirca. Chashnami jatun mandacpish, tucui israelcunapish Mandac Diospac huasitaca Diosllamantac mingarcacuna.

2 CRÓNICAS 7:5

Jatun mandacca ishcai chunga ishcai huaranga huagracunata, patsac ishcai chunga huaranga ovejacunatami Diosman cushpa huañuchirca. Chashnami jatun mandacpish, tucui israelcunapish Mandac Diospac huasitaca Diosllamantac cushpa mingarcacuna.

2 CRÓNICAS 7:9

Diospac huasipi tiyac altarta Diosman mingashpa, canchis punzhata tandanacushcamanta, shinallatac canchis punzhallatatac fiestata ruhuashcamantami pusac punzhapica jatun tandanacuita ruhuarca.

NEHEMÍAS 12:27

Jerusalén muyundi pircata Diosman mingangapacca tucui levitacunatami maimantapish Jerusalenman pushamurca. Paicunataca platillopi, salteriopi, citarrapi Diosta alli nishpa cantashpa Diosman mingangapacmi pushamurca.

NEHEMÍAS 12:43

Chai punzhaca Diosllata cushichicpimi, achca animalcunata Diosman cushpa huañuchishpa, yallita cushicurcacuna. Chaipica huarmicunapish, huahuacunapish yallitami cushicurca. Jerusalenpi chashna yallita cushicushcaca carucamanmi uyaricurca.

SALMOS 30:1

Mandac Dioslla, ñucata cacharichishcamantami alli nishpa cantani. Ñucata piñaccuna cushicuchunpish mana saquircanguichu.

NÚMEROS 7:1

Moisesca Dios-huan tupana huasita tucuchishpaca, chaipi tucui tiyashcacunandimi aceitehuan cahuishpa, Diospacllata ruhuarca. Shinallatac altartapish, chaipi tucui tiyaccunatapish aceitehuan cahuishpami, Diospacllata ruhuarca.

NÚMEROS 7:11

Mandac Dios Moisesta rimashpaca: «Altarta ñucaman mingangapacca punzhantami shuc mandac ñucaman ofrendata apamuna can» nirca.

NÚMEROS 7:84

Aceitehuan cahuishpa, altarta Diospacllata ruhuashpa, paiman mingana punzhapica Israel aillucunata pushaccunaca caicunatami Diosman cungapac apamurca. Chunga ishcai cullqui platota, chunga ishcai cullqui jarrota, chunga ishcai curi cucharatami apamurca.

NÚMEROS 7:88

Mandac Dios-huan alli tucungapac apamushcaca ishcai chunga chuscu huagracuna, sucta chunga cari ovejacuna, sucta chunga cari chivocuna, shuc huatayuc cari ovejami carca. Sucta chungata tandachishpami pushaccunaca aceitehuan tallishca quipa altarpi Diosman cungapacca apamurca.

DEUTERONOMIO 20:5

Quipa mandaccuna tucui israelcunata rimashpaca: “¿Maijantac huasita shayachishpa, manarac chai huasipi causanguichic? Cutishpa chai huasipi causagrichic. Pacta macanacuipi huañucpi, shuc runarac chai mushuc huasipi causanman.