NÚMEROS 7:1 - Dios Rimashcata Quillcashcami

¹ Moisesca Dios-huan tupana huasita tucuchishpaca, chaipi tucui tiyashcacunandimi aceitehuan cahuishpa, Diospacllata ruhuarca. Shinallatac altartapish, chaipi tucui tiyaccunatapish aceitehuan cahuishpami, Diospacllata ruhuarca.

NÚMEROS 7:1 Iomraidhean Croise

GÉNESIS 2:3

Chai canchisniqui punzhatami Diosca bendiciashpa, paipaclla cachun ruhuarca. Chai punzhapimi Diosca tucui cai pachapi ruhuanata tucuchishpa samarirca.

1 REYES 8:64

Jatun mandacca chai punzhallatacmi Mandac Diospac huasi ñaupapi tiyac chaupi pungu pambatapish Diospaclla cachun curca. Diosman cushpa tucui rupachina animalcunata, ofrendacunata, Dios-huan alli tucungapac cushca huirataca chai pungu pambapimi rupachirca. Mandac Diospac ñaupapi cac bronce altarca uchillami carca. Diosman cushpa tucui rupachina animalcunata, ashtahuan ima cushcacunata, Dios-huan alli tucungapac cushca huirata rupachingapacca mana pactarcachu.

ÉXODO 13:2

—Israelpurapi punta huacharishca cari huahuacunata ñucapacllata ruhuanguichic. Tucui punta huacharishca gentecunapish, animalcunapish ñucapacllami— nirca.

ÉXODO 29:36

Punzhanta juchamanta shuc becita ñucaman cushpa huañuchingui. Chashnami ñucapaclla altar juchahuan mapayashcataca pichangui. Shinallatac aceitehuan cahuishpa ñucapacllata ruhuangui.

ÉXODO 40:11

Pailatapish, pailata tiyachina basatapish, aceiteta tallishpa, ñucapaclla cachun chicanyachingui.

NÚMEROS 17:2

«Israel huasi ucupurata tucui pushaccunapac taunata apamuchun mandai. Taunacunaca chunga ishcaimi canga. Chai taunacunapica paicunapac quiquin shutita quillcashpa,

NÚMEROS 7:10

Altarta aceitehuan cahuishpa, Diospacllata ruhuai punzhami Israel aillucunaca altarta Diosman mingangapac ofrendata apamurca. Chashnami israelcunata mandaccunaca altar ñaupaman apamurca.

NÚMEROS 7:84

Aceitehuan cahuishpa, altarta Diospacllata ruhuashpa, paiman mingana punzhapica Israel aillucunata pushaccunaca caicunatami Diosman cungapac apamurca. Chunga ishcai cullqui platota, chunga ishcai cullqui jarrota, chunga ishcai curi cucharatami apamurca.

NÚMEROS 7:88

Mandac Dios-huan alli tucungapac apamushcaca ishcai chunga chuscu huagracuna, sucta chunga cari ovejacuna, sucta chunga cari chivocuna, shuc huatayuc cari ovejami carca. Sucta chungata tandachishpami pushaccunaca aceitehuan tallishca quipa altarpi Diosman cungapacca apamurca.

SAN MATEO 23:19

¡Ñahui mana ricuc, yuyai illaccunalla! ¿Maijantac ashtahuan alli? ¿Ofrenda, mana cashpaca ofrendata Diospacllata ruhuac altar?