NÚMEROS 6:9 - Dios Rimashcata Quillcashcami

⁹ Maijan cashpapish cungailla paipac cuchupi huañucpi, tuparishpa Diospaclla cashcata ricuchic uma acchata mapayachishpaca, chuyayana punzhapimi acchata rutuchina can. Chaitaca canchisniqui punzhapimi ruhuana.

NÚMEROS 6:9 Iomraidhean Croise

EZEQUIEL 44:27

Ñucata servingapac ñucapac huasi ucu pambaman yaicui punzhaca juchamanta animalta cushpa, ñucaman rupachichun. Chaitaca Mandac Dios ñucami nini.

LEVÍTICO 14:8

Chai quipami churanata chuyayac runaca paipac churanata tacshashpa, acchatapish, tucui ñuto millmacaman ruturishpa, armarishpa, ña chuya saquiringa. Chai quipaca carpa huasicunaman shamushpami, mana ucuman yaicushpa, canchis punzhacaman canzhallapi causanga.

LEVÍTICO 14:9

Canchisniqui punzhapica acchatapish rutushpa, cuerpopi tiyac millmatapish, ñahui quingrai millmatapish rutushpa, churanatapish tacshashpa, paipish armarishpami, mapa illac saquiringa.

NÚMEROS 6:18

Chai quipaca nazareo tucushca runami Dios-huan tupana huasi yaicunapi acchata pitinga. Chaimantaca Dios-huan alli tucungapac Diosman carashcata rupacuc nina ucupimi churanga.

NÚMEROS 6:8

Nazareo tucushca tucui punzhacunami Diospaclla chicanyachishca cana can.

HECHOS 18:18

Pabloca tauca punzhacunatami Corinto pueblollapi saquirirca. Chai quipami criccunata chaipi saquishpa, Priscilahuan, Aquilahuan Siria llactaman barcopi rirca. Chashna rishpami, Cencrea pueblopi acchata pitichirca. Diospacta ruhuangapac ari nishcata pactachingapacmi chashna ruhuarca.

HECHOS 21:27

Canchis punzha tucugricucpimi, Asia llactamanta maijan israelcuna Pablotaca Diosta mañana huasipi ricurca. Chaimantami tucui gentecunata jatarichishpa, Pablota japircacuna.

DEUTERONOMIO 21:12

cancunapac huasiman apanguichiclla. Paica acchata pitishpa, shillutapish pitingami.