NÚMEROS 6:20 - Dios Rimashcata Quillcashcami

²⁰ Chaicunataca curallatacmi Mandac Diospac ñaupapi cuyuchishpa Diosman cunga. Chaicunaca Diospaclla chicanyarishca cashcamantami curapaclla canga. Diospac ñaupapi cuyuchishpa cushca pecho aichapish, alzashpa Diosman cushca rigra aichapish curapacllami canga. Chai quipami nazareo runaca vinota ubianga.

NÚMEROS 6:20 Iomraidhean Croise

ECLESIASTÉS 9:7

Can imata ruhuashcacunamantaca Diosca cushicushcami. Cunanca cushicushpa cambac micunata micugrilla, cushi shunguhuan vinotapish ubiagrilla.

ISAÍAS 25:6

Tucuita Mandac Diosmi cai urcupi tucui gentecunaman jatun micuita ruhuanga. Chaipimi sumac mishqui micuita carashpa, sumac vinotapish ubiachinga. Sumac micuitapish carangami, imahuan mana chapushca sumac vinotapish ubiachingami.

ISAÍAS 35:10

Mandac Dios quishpichishcacunaca cushicushpami, Sión llactaman cantashpa yaicunga. Paicunaca huiñai huiñaitami cushicunga. Paicuna yallita cushicuihuan cacpica, ima llaquipish mana japingachu.

LEVÍTICO 10:15

Diosman cuyuchishpa cushca pecho aichatapish, alzashpa Diosman cushca changa aichatapish rupachina huirahuan tandachishpa, Mandac Diospac ñaupaman apamunguichic. Mandac Dios mandashca shinami, canpish, cambac huahua huahuacunapish tucui causaipi pactachina canguichic» nirca.

LEVÍTICO 23:11

Chai gavillataca samana punzha cayandimi curaca cuyuchishpa, ñucaman cunga. Chashna cucpimi, ñucaca chasquisha.

LEVÍTICO 7:30

Chaitaca quiquin maquihuanmi Mandac Diosman cushpa, rupachingapac apamunga. Chashnami cuyuchishpa cuchun pecho aichatapish, chaipi tiyac huiratapish Diospac ñaupaman apamunga.

LEVÍTICO 7:31

Chai huirataca curami altar jahuapi rupachinga. Cutin pecho aichataca Aaronpac churicunami japinga.

LEVÍTICO 7:32

Dios-huan alli tucungapac cushca animalpac alli lado changa aichataca curami japinga.

LEVÍTICO 7:34

Israelcuna ñucahuan alli tucungapac cushca animal pecho aichatapish, alzashpa cushca animalpac changa aichatapish ñucami chasquini. Chaitami Aaronmanpish, paipac churicunamanpish curcani. Cai mandashcacunaca israelcuna huiñaita pactachichun cushcami” ninmi ningui» nirca.

LEVÍTICO 9:21

Mandac Dios Moisesta mandashca shinallatacmi Aaronca chai pecho aichatapish, alli lado changatapish cuyuchishpa Diosman curca.

ZACARÍAS 10:7

Efraín ailluca yallita sinchi runacuna shinami canga. Vinota ubiashpa cushicuc shinami shungupi yallita cushicunga. Paicunapac churicunaca chaita ricushpami, Mandac Diosmanta tucui shunguhuan cushicunga.

ZACARÍAS 9:15

Tucuita Mandac Diosmi paicunataca ayudanga. Chaimantami paicunaca, paicunata piñaccunataca tucui tucuchishpa, huaraca rumicunatapish sarunacunga. Vinota ubiac shinami yahuarta ubianga. Tazonpi jundachishca shina, gachucuna altarpi yahuarta jundachishca shinami ruhuanga.

ZACARÍAS 9:17

¡Chai llactaca mai sumacmi! Trigoca quipa huiñaicunatami sumacta huiñachinga. Vinoca carihuan manarac chayarishca solteracunatami cushichinga.

NÚMEROS 18:18

Shinallatac chai aichapish, Diosman cuyuchishpa cushca pecho aichapish, alli lado changa aichapish canmanmi canga.

NÚMEROS 5:25

Celashcamanta cushca ofrendata huarmipac maquimanta cura japishpa, altar ñaupapi cuyuchishpami Mandac Dios ñucaman cunga.

NÚMEROS 6:21

Caicunami nazareo tucushpa, Mandac Diosman ima shina cuna cashcataca ruhuanaca. Caicunapac jahuapi imata ashtahuan cusha nishpaca cunallami. Diospaclla tucushpa imatapish ruhuasha niccunaca nazareocunata imata ruhuachun mandashca shinallatacmi tucuita ruhuana can» nirca.

SAN MATEO 26:29

Ñucaca: Ñuca Taita mandacucpi, cancunahuan mushuc vinota ubiangacaman, cai uvas vinotaca mana ubiashachu nini— nirca.

MARCOS 14:25

Dios mandacucpi mushuc vinota ubiangacaman, cai uvas vinotaca cutinca manatac ubiashachu. Chaica chashnatacmi canga— nirca.

SAN JUAN 19:30

Chai vinagreta Jesús ubiashpaca: “Ña tucuchishcami” nircami. Chashna nishpaca, umata huarcushpa, paipac espirituta Diosman mingashpa huañurcallami.