NÚMEROS 6:2 - Dios Rimashcata Quillcashcami

² «Israelcunamanta cari cashpa, huarmi cashpapish nazareo tucushpa, ñucapaclla chicanyachishca cashpaca,

NÚMEROS 6:2 Iomraidhean Croise

ÉXODO 33:16

Can mana ñucanchic-huan ricpica, ¿ima shinatac ñucapish, can acllashca gentecunapish cambac ñaupapi alli cashcataca yachashunyari? Ñucanchicca canhuan cashpamari cai allpapi causac shuctac gentecunamanta chican cashun— nirca.

PROVERBIOS 18:1

Pailla causanata munacca quiquin munaillatami ruhuanata mashcan. Alli yuyaita cucpipish, mana cazunchu.

JEREMÍAS 35:6

Shina nicpimi paicunaca: «Ñucanchicca vinotaca mana ubiashunchu. Chaica, Ricabpac churi ñucanchic ñaupa taita Jonadab ñucanchicta mandashpaca: “Cancunapish, cancunapac huahua huahuacunapish jaicapi ama vinota ubianguichicchu.

LEVÍTICO 20:26

Ñucaca cancunata Mandac jucha illac Diosmi cani. Chaimanta cancunapish, jucha illac caichic. Cancunataca ñucapaclla cachunmi shuctac llacta gentecunamanta chicanyachircani.

LEVÍTICO 27:2

«Mandac Diosca israelcunataca: “Ñucata servingapac ari nishca runataca shuc runa mashna valic cashcata pagashpami cacharichina can.

NÚMEROS 30:3

Taitapac huasipi causac shuc soltera Mandac Dios ñucaman imata ruhuangapac ari nishca cacpi,

NÚMEROS 6:1

Mandac Dios Moisesta rimashpaca:

SAN LUCAS 1:15

Paica Diospac ñaupapica alli nishcami canga. Paica vinotapish, machachic yacutapish mana ubiangachu. Mamapac huicsamanta pachami, Diospac Espíritu junda canga.

HECHOS 18:18

Pabloca tauca punzhacunatami Corinto pueblollapi saquirirca. Chai quipami criccunata chaipi saquishpa, Priscilahuan, Aquilahuan Siria llactaman barcopi rirca. Chashna rishpami, Cencrea pueblopi acchata pitichirca. Diospacta ruhuangapac ari nishcata pactachingapacmi chashna ruhuarca.

ROMANOS 1:1

Jesucristota servic, apóstol cangapac acllashca, alli huillaita huillachun Dios chicanyachishca Pablomi caita quillcani.

2 CORINTIOS 6:16

Dios causana huasihuan ruhuashcalla dioscunahuanca, ¡maitatac shuc shinalla tucungayari! Ñucanchicmi causac Dios causana huasica canchic. Diosllatacmi: «Ñucaca paicunahuanmi causasha, paicunahuanmi purisha. Ñucaca paicunapac Diosmi casha. Paicunaca ñuca acllashcacunami canga» nishca.

GÁLATAS 1:15

Shina cacpipish ñuca manarac huacharicpimi, Diosca ñucata mai cuyashpa, chicanyachishpa acllarca. Chashna acllashpaca, pai munashca pachami

HEBREOS 7:27

Jesusca mana shuctac curacuna shina puntaca paipac juchacunamanta, quipaca tucui gentecunapac juchacunamanta animalta Diosman cushpa, rupachicchu, ashtahuanpish Apunchic Jesucristoca huiñaipac shuc cutinlla huañushpami, paillatac Diosman curishpa huañurca.

JUECES 13:14

Uvasmanta ruhuashcataca imatapish ama micunguichu, vinotapish, machana yacutapish ama ubianguichu. Shinallatac imapish mapayachictaca ama micunguichu. Tucui ñuca mandashcatami pactachina can— nirca.

JUECES 13:4

Chaimanta cunanca ima machana yacutapish, vinotapish ama ubianguichu. Shinallatac ima mapayachic micunata ama micunguichu.

JUECES 13:5

Cunanca huicsayuc tucushpami, huahuata charigringui. Chai huahuataca acchatapish ama pitinguichu. Chai huahuaca mamapac huicsamanta pachami nazareo canga. Paimi israelcunataca filisteocunapac maquimanta quishpichinga» nirca.

JUECES 16:17

Chaimantami Sansonca ima shina yalli fuerzata charishcata huillashpaca: —Ñucaca, mamapac huicsamanta pachami Diospaclla chicanyachishca nazareo cani. Chaimanta ñuca acchataca jaicapi navajahuan mana pitircanichu. Ñuca uma acchata pitichishpaca irquiyashpa fuerzata chingachishpami shuctac runacuna shina casha— nirca.

1 SAMUEL 1:28

Chaimantami cai huahuataca ñucapish Mandac Diosman cuni. Paica tucui causaipimi, Mandac Diospacta ruhuashpa causanga— nirca. Shina nishpami Mandac Diosta allimari cangui nirca.