NÚMEROS 6:10 - Dios Rimashcata Quillcashcami

¹⁰ Ña pusac punzhapica, ishcai urpita, mana cashpaca ishcai llullu palomata Dios-huan tupana huasi yaicunapi curaman cuchun.

NÚMEROS 6:10 Iomraidhean Croise

EZEQUIEL 44:26

Mapayashpaca armarinami can. Chai quipaca canchis punzhatami chuyayana can.

LEVÍTICO 1:14

Volac animalcunamanta Mandac Diosman cushpa, tucui rupachingapac apamushpaca urpita, mana cashpaca llullu palomatami apamuna can.

LEVÍTICO 12:6

Chuyayana punzhacuna pactacpica, cari huahuamanta, mana cashpaca huarmi huahuamanta cashpapish shuc huatayuc cari ovejatami Diosman cushpa tucui rupachina can. Juchata pichachun Diosman cungapacca huahua palomata, mana cashpaca urpitami apamuna can. Chaitaca Dios-huan tupana huasi yaicunaman apamushpami, curaman cuna can.

LEVÍTICO 14:31

Chai ishcai animalcunataca shuctaca juchata pichachun, shuctaca tucui rupachingapac apamuna can. Caicunataca harina chaputa cushca jahuapimi cunga. Shina cucpimi, Mandac Diosca paipac juchacunata perdonanga» nirca.

LEVÍTICO 15:14

Pusac punzhapica ishcai urpita, mana cashpaca ishcai huahua palomatami Dios-huan tupana huasi yaicunaman apamushpa, Mandac Diospac ñaupapi curaman cuna can.

LEVÍTICO 15:29

Pusac punzhapica ishcai urpita, mana cashpaca ishcai huahua palomatami Dios-huan tupana huasi yaicunaman apamushpa, Mandac Diospac ñaupapi curaman cuna can.

ROMANOS 4:25

Apunchic Jesusca ñucanchic juchacunamantami huañurca. Diosca ñucanchictapish chasquingapacmi Jesustaca huañushcacunapuramanta causachirca.