NÚMEROS 5:7 - Dios Rimashcata Quillcashcami

⁷ Chai juchata huillashpa, llaquichishca runaman pagana cashcata cushpapish chungamanta ishcaihuan yallitami cuna can.

NÚMEROS 5:7 Iomraidhean Croise

SALMOS 32:5

Ñuca juchacunata huillashpaca ima mapata ruhuashcatapish mana pacashpami huillarcani. Ñucaca: «Canta mana cazushcataca can Mandac Diosmanmi huillasha» nircani. Chashna huillacpimi, ñuca millaita ruhuashpa juchallishcataca perdonarcangui.

PROVERBIOS 28:13

Maijanpish paipac juchata pacacca, mana alli causai pudingachu. Ashtahuanpish juchacunata huillashpa, tucuita saquicpica Diosca llaquingami.

LEVÍTICO 26:40

Paicunapac, shinallatac paicunapac taitacunapac mana allita ruhuashcata, ñucata mana cazushpa paicuna munashcata ruhuashcata huillangacuna.

LEVÍTICO 26:41

Paicunahuan piñarishpa paicunata piñaccunapac llactaman cachashcata yuyarishpa, llaquirishpa juchata shungumanta ñucaman huillacpica,

LEVÍTICO 5:15

«Maijanpish mana yachashcamanta Mandac Diosman cuna cashcata mana cushpaca juchallinmi. Chaimantaca paipac manadamantami ima mana tucushca shuc cari ovejatami Mandac Diosman cuna can. Chai ovejaca Diospac carpa huasipi tiyac siclos cullqui valishca shinami canga. Chai cullqui vali cacpimi, curaca juchata pichachun Diosman cunga.

LEVÍTICO 5:16

Cutin chai ofrendata mana cushcamantaca pichcahuan yallitami curaman cuna can. Chaitami curaca juchamanta cushca cari ovejahuan Diosman cushpa rupachinga. Chashna cucpimi, Diosca chai juchacunataca perdonanga.

LEVÍTICO 5:5

Maijanpish maijan caicunapi juchallishca cashpaca, chai juchata ruhuashcata huillashpami,

LEVÍTICO 7:7

Juchamanta animalta cushpa rupachic shinallatacmi pandarishcamantapish ruhuana can. Chaicunata ruhuangapacca shuclla mandashcami tiyan. Chai ofrendataca rupachic curami japinga.

NÚMEROS 5:8

Chai llaquichishca runa mana tiyacpi, cuchulla familiapish mana tiyacpica, Mandac Dios ñucamanmi cuna can. Juchamanta ovejata curaman cushca jahuami chashna cuna can.

SAN LUCAS 19:8

Zaqueo jatarishpaca: —Apunchic Jesús, ñuca charishcacunamanta chaupitami huacchacunaman cugrini. Maijanmanta umashpa shuhuashcataca chuscu cutin yallihuanmi cutichigrini— nirca.

JOSUÉ 7:19

Chashna cuchuyacpica, Acanta Josué tapushpaca: —¡Ñuca huahualla, can imata ruhuashcata huillashpa israelcunata Mandac Diosta sumacmari cangui, allimari cangui niyari! ¡Can imata ruhuashca cashpapish ama pacaichu!— nirca.