NÚMEROS 5:18 - Dios Rimashcata Quillcashcami

¹⁸ Chaimantaca curami huarmitaca Mandac Dios ñucapac ñaupapi uma acchata cacharinga. Juchallishcamanta cuna ofrendatami chai huarmipac maquipi churanga. Chai ofrendami juchallishcatapish, mana juchallishcatapish ricuchinga. Cutin curaca llaquichic jayac yacutami maquipi charicunga.

NÚMEROS 5:18 Iomraidhean Croise

PROVERBIOS 5:4

Ashtahuanpish quipataca ajenjotapish yalli jayac, ishcai ladoman filoyuc espada chugrichic shinami tucun.

ECLESIASTÉS 7:26

Tuclla shina, linchi shina shunguta charic, huatana huascata shina maquita charic huarmica huañuitapish yalli jayac cactami ricurcani. Diosta cushichic runallami chai huarmimantaca quishpiringa. Ashtahuanpish juchayuc runaca, chai huarmihuanmi prezushca shina saquiringa.

ISAÍAS 38:17

Riqui, ñucapac allipacllatami chai llaquica japirca. Shina cacpipish, cuyashpami jutcupi ñuca ismugrinamanta quishpichircangui. Ñuca juchacunata huashaiman shitac shina, perdonashpami quishpichircangui.

JEREMÍAS 2:19

Can quiquin mana allita ruhuashcallatacmi llaquichinga. Ñucata saquishpa juchallishcallatacmi llaquichinga. Mandac Dios ñucamanta anchurinapish, ñucata mana manchanapish mana alli cashcata, llaqui cashcataca alli yuyariyari. Chaita tucuita Mandac Dios ñucami nini.

LEVÍTICO 13:45

Lepra ungüihuan cashpaca, churanapish lliqui, umatapish mana taparishpa shimillata taparishpami: “Mapami cani, mapami cani” nishpa, caparishpa puringa.

NÚMEROS 5:15

huarmita curapacman apashpami, ishcai kilo cebada ofrendata cuna can. Celanacushcamanta cushca cashcamantami chai ofrendapica aceitetapish, inciensotapish mana churana can. Chai cushcaca juchallishcata mana juchallishcata ricuchingapacmi ñucaman cushca can.

NÚMEROS 5:17

Chai quipami curaca allpa vasopi ñucapaclla chicanyachishca yacuta japishpa, ñucahuan tupana huasi ucu pambamanta ñuto allpata japishpa, chai yacupi churanga.

NÚMEROS 5:19

Chai quipaca huarmitaca: “Can shuctac carihuan mana chayarishca, shinallatac cusapac randi shuc carihuan mana mapayashca cacpica, cai llaquichic jayac yacuta ubiacpipish, imata mana ruhuangachu” ninga.

NÚMEROS 5:22

Cai llaquichic yacu huicsaman yaicushpami huahuatapish mana charicta ruhuashpa, huicsatapish punguillichinga” nishpa gentecunapac ñaupapi ari nichinga. Shina nicpimi, chai huarmica: “Chashna cachun, chashna cachun” ninga.

1 CORINTIOS 11:15

Ashtahuanpish huarmi accha huiñachinaca allimi. Umata tapallirichunmi, chashna acchata huiñachichun Diosca cushca.

1 CORINTIOS 11:6

Shuc huarmi umata mana tapallisha nishpaca, acchata pitichun. Acchata tucui pitichina pingai cacpica, umata tapallichun.

DEUTERONOMIO 29:18

Cancunapuramanta cari cashpa, huarmi cashpa, familia cashpa, aillu cashpa Mandac Diosmanta caruyashpa, chai llacta dioscunata pacta adoranguichicman. Cancunapurapica pacta jayac venenota pucuc yura shina tiyanman.

HEBREOS 13:4

Tucuimi cazado causaica, valishca cashcata yuyana can. Ama huainayaichicchu. Huainayaccunatapish, huaclliccunatapish Diosca taripashpa llaquichingami.

1 SAMUEL 15:32

Chai quipami Samuelca: «¡Amalecitacunata jatun mandac Agagta pushamuichic!» nirca. Agagca: «Llaquinayaita ñuca huañunamantaca ña quishpirinimi» yuyashpami, Samuelpacman cushilla cuchuyarca.