NÚMEROS 4:15 - Dios Rimashcata Quillcashcami

¹⁵ Aarón paipac churicunahuan tucui ñucapaclla chicanyachishcacunata catashpa, shuc llactaman rigricpimi, Cohatpac churicunaca apangapac cuchuyanga. Shina apashpapish, ñucapaclla caccunataca mana tuparinachu can. Tuparishpaca huañungami. Caicunami Cohatpac churicuna ñucahuan tupana huasipi ruhuanaca can.

NÚMEROS 4:15 Iomraidhean Croise

2 SAMUEL 15:24

Shinallatac chai ñantaca Sadocpish tucui levitacunandi Dios ari nishca quillcata huacaichina Arcata huandushcami rirca. Shina rishpami, tucui gentecuna Jerusalenmanta llucshingacaman pamballapi samachirca. Ña tucui gentecuna puebloman llucshishca quipami Abiatarpish llucshirca.

2 SAMUEL 6:13

Davidca Diospac Arcata huanduccuna sucta saruita ricpimi shuc huagrata, huira ovejata huañuchirca.

1 REYES 8:3

Israelcunata pushac tucui yuyaccuna shamucpimi, curacunaca Diospac Arcata japircacuna.

1 CRÓNICAS 15:15

Levitacunapac huahua huahuacunami Arcataca Mandac Dios Moisesta mandashca shinallatac caspicunapi churashpa huandumurca.

1 CRÓNICAS 15:2

Shina ruhuashpami Davidca: «Diospac Arcataca mana pipish apangachu, ashtahuanpish levitacunallami apanga. Mandac Diosmi paicunataca paipac Arcata apachunpish, tucui causaipi paita servichunpish acllashca» nirca.

1 CRÓNICAS 23:26

Levitacunaca Dios-huan tupana huasitapish, Diospacta ruhuangapac ima charinacunatapish mana ashtahuan maimanpish apangacunachu» nirca.

ÉXODO 19:12

Canca israelcuna maicaman chayarina cashcataca urcu muyundita unanchishpa: “Cai señalashcamantaca ama huichaiman ringuichicchu. Cai señalashcallapipish ama tuparinguichicchu. Maijanpish chai urcuman chayarishpaca huañungatacmi.

ÉXODO 19:21

Mandac Diosca Moisestaca: —Gentecuna Mandac Dios ñucata ricungapac maicaman chayana cashcata pasashpa, pacta huañunman. Chaiman ama pasachun cutishpa rimagri.

ÉXODO 27:7

Chai varacunataca altar argollacunapi pasachishpa churangui. Chai varacunaca altarta huandungapac altarpac ishcai ladoman pasachishpa churangui.

LEVÍTICO 16:13

Chaipimi Aaronca Mandac Dios ñucapac ñaupapi cac ninapi inciensota rupachinga. Chashna rupachicpimi, mandashcata huacaichishca Arca tapa jahuata cushnica tapanga. Chashna tapacpimi, Aaronca mana huañunga.

NÚMEROS 1:50

Chaipac randica mandashcacunata huacaichishca ñucahuan tupana ucutapish, tucui chaipi tiyaccunatapish ricuchun churangui. Paicunami ñucahuan tupana huasitapish, chaipi imalla tiyaccunandi apanga. Chashnami carpa huasipi servishpa, chai muyundipi causanga.

NÚMEROS 1:51

Paicunami ñucahuan tupana huasita maiman apana cacpica pascanga. Maipi shayachina cacpica shayachinga. Chican gentecuna ñucahuan tupana huasiman chayashpaca huañungami.

NÚMEROS 10:21

Paicunapac huashataca Coatpac churicunami Dios-huan tupana huasi ucupi imalla tiyashcacunata apashpa rirca. Paicuna chayangacamanca ñami Dios-huan tupana huasitaca shayachishca carca.

NÚMEROS 18:3

Paicunami ñucahuan tupana huasipi servishpa, can mandashcata ruhuanga. Shina cashpapish, paicuna mana huañungapacca tucui ñucapaclla chicanyachishcamanca mana cuchuyanachu can. Shinallatac ñucapaclla chicanyachishca ucumanpish mana yaicunachu can.

NÚMEROS 3:38

Inti llucshina ladopi cac Dios-huan tupana yaicunapimi Moisespish, Aaronpish paipac churicunandi carpacunata shayachishpa tiyaringa. Paicunami Dios-huan tupana huasitaca israelcunapac randi cuidanga. Maijan shuccuna chaiman chayarishpaca huañungami.

NÚMEROS 4:14

Chashna tapashpa, chai jahuapi altarpi imalla ruhuanacunatami churanga. Nina churanacunatapish, ganchocunatapish, palacunatapish, ima shuccunatapish churashpami, delfín carahuan catashpa, huanduna varata churanga.

NÚMEROS 4:19

Ñucapaclla pushtuman paicuna cuchuyashpa, ama huañuchunca, Aaronta, paipac churicunata chaipi imata ruhuachun mandangui.

NÚMEROS 4:20

Paicunaca ñucapaclla chicanyachishcataca mana ricunachu can. Chaita ricushpaca huañungami» nirca.

NÚMEROS 7:9

Ashtahuanpish Cohatpac churicunamanca imata mana curcachu, paicunaca Diospaclla chicanyachishcata huandushpami apaccuna carca.

DEUTERONOMIO 31:9

Moisesca cai mandashcacunata quillcashpami Mandac Dios-huan ari nishca quillcata huacaichina Arcata apac Levipac huahua huahuacunamanpish, israelcunata pushac yuyaccunamanpish curca.

JOSUÉ 4:10

Arcata huandushpa ric curacunaca Josueta Mandac Dios mandashca shinallatacmi Moisés ima nishcata ningacaman Jordán yacu chaupipi shayacurca. Chai quipaca, israelcunaca utcami Jordán yacuta pasarca.

1 SAMUEL 6:19

Diosca Bet-semes pueblopi causaccunataca Mandac Diospac Arcata pascashpa ricushcamantami, canchis chunga runacunata huañuchirca. Chashna achcacunata huañuchicpimi, chai pueblopi causaccunaca yallita llaquirishpa huacarca.